Homil Yoqubov
Ёқубов Ҳомил Исломович (1907.14.9 — Тошкент — 1998.3.2) — адабиёцҳунос, адабий танқидчи. Ўзбекистонда хизмат кўрсатган фан арбоби (1968), филология фанлари доктори (1967), профессор (1970). Ленинград давлат педагогика институтида ўқиган (1926—1927), Ўрта Осиё Режалаштириш иқтисод институтини тугатган (1932). Ўзбекистон Фанлар академияси Тил ва адабиёт институтида илмий ходим, директор ўринбосари, бўлим бошлиғи, профессор-маслаҳатчи (1934—1997). Шунингдек, Ўзбекистон Ёзувчилар уюшмасида адабий маслаҳатчи (1934—1935; 1944—1945), Тошкент кечки педагогика институти(1939—1942) ҳамда Ўрта Осиё давлат университетида даре берган (194851; 195659). Ё.нинг адабийтанқидчилик фаолияти 30-йиллардан бошланган. "Ҳамид Олимжоннинг ижодий йўли" (1936), "Заҳириддин Муҳаммад Бобур. (1940), "А. Қаҳҳор новеллалари" (1946), "Ғафур Ғулом". (1959), "Ойбек" (1959), "Адибнинг маҳорати" (1966) каби мақола ва монографиялари ўзбек мумтоз ва замонавий адабиётининг муҳим масалаларига бағишланган. Мактаблар учун адабиёт дарсликлари, хрестоматия ва ўқув дастурларини тузиш ва нашр эттиришда фаол қатнашган. Ё.нинг бевосита илмий раҳбарлиги ва иштирокида ҳозирги замон ўзбек адабиёти тарихига оид 2 жилдли (1961 — 1962) ва русча нашри — 1 жилдли (М., 1967) очерклар тўпламлари ҳамда ҳозирги ўзбек адабиётининг кўп жилдли тарихлари нашр этилган. Беруний номидаги Ўзбекистон Давлат мукофоти лауреати (1970). Аc: Ғоявийлик ва маҳорат, Т., 1966; Сайланма, 12ж., Т., 198384; Чўлпон ва Навоий, Т., 1998[1].
Адабиёт
- Имомов Б., Ҳомил Ёқубов [Адабий портрет], Т., 1978.
Манбалар
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Олим ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |