Huichon
Ҳŭич'ŏн (Корейсча талаффузи : [ҳуичон]) – Шимолий Корея Чаганг вилоятининг жанубий қисмида жойлашган шаҳар,аҳолиси 168 180 нафар кишини ташил қилади. (2008-йил маълумотлари).
Тарихи
Шаҳарни ўраб турган ҳудуд 1896-йилда Ҳуичон округига айланди. Дастлаб Япония мустамлакачилик даврида Шимолий Пёнган провинсияси таркибига кирган. 1947-йил январ ойида янги ташкил этилган Чаганг провинсияси ташкил этилганда округ дастлаб тўққиз мён ва 35 донгга бўлинган, аммо округнинг шарқий раёнларининг бир қисми 1952-йилда Тонгсин округини ташкил этиш учун маъмурий бўлинишдан чиққан. 1967-йил октябр ойида округга шаҳар мақоми берилган[1].
Маъмурий бўлинмалари
Ҳуичон провинсияси 21 тонг (маҳаллалар) ва 12 ри (қишлоқлар) га бўлинган:
|
|
Иқтисодиёти
Саноатнинг асосий тармоқлари автомобилсозлик ва машинасозлик, жумладан Ҳуичон дастгоҳлар ишлаб чиқариш заводи, Ҳуичон ипак тегирмони заводи ва Ҳуичон қаттиқ шиша буюмлар ишлаб чиқариш фабрикасидан иборат.
Ҳуичон дастгоҳлар ишлаб чиқариш заводи
Кореа Умумий Механика Савдо Ташкилоти Шимолий Корея ҳукумати томонидан ички ва экспорт учун оғир юк машиналари ишлаб чиқарувчи Ҳуичон дастгоҳлари заводини бошқаради (гарчи экспортнинг аксарият қисми БМТ эмбарголари билан тўсиб қўйилган бўлса ҳам).
Завод 1955-йилда ташкил этилган,пўлат ишлаб чиқариш,қуйиш,қайта ишлаш,йиғиш,бўяш ва қадоқлаш каби вазифаларни бажаради. Маҳсулотлар серияли ва кичик ҳажм асосида ишлаб чиқарилади;унинг нозик дастгоҳлар ишлаб чиқариши шпал силлиқлаш дастгоҳлари ва саноат станокларининг ассортиментини ўз ичига олади.
Заводни яратиш масаласи биринчи марта 1951-йил март ойида Корея Ишчилар партияси Марказий Қўмитаси йиғилишида муҳокама қилинган. Ким Ил Сен шундай деган эди:„Уруш давомида ўқ-дорилар ва қуроллар ишлаб чиқарувчи завод қуриш ҳақда бир тўхтамга келдим. Узоқ вақт давомида фойдаси тегадиган кучли машинасозлик заводига эга бўлишимиз лозим. Заводларни қуриш учун иккита муқобил жой эса Токчон ва Ҳуичон провинсияларидир“.
Завод қурилгач, шаҳар машинасозлик саноати учун намуна бўлди. Таэан, Рагвон, Токчон, Рёнгсонг, Кусонг ва бошқа ҳудудларда машинасозлик заводлари Ҳуичонда қурилган завод моделида қурилган. КХДР ҳукумати маълумотларига кўра, (1998) Шимолий Кореяда машинасозлик саноати озодликдан олдинги кўрсаткичга нисбатан 1690 бараварга кўпайган ва ўзини ўзи таъминлаши 98 фоизни ташкил этган.
Ҳуичон ипак тола фабрикаси
Ҳуичон ипак тола фабрикаси давлат корхонаси бўлиб, ипак толаси ишлаб чиқаришга ихтисослашган. Фабрика анча даврлардан бери корейсларнинг махсус заводи сифатида фаолият олиб борган. Заводдаги фаолият 1988-йил сентябр ойида якунланган. Завод биноси Чонгчон дарёси қирғоғида жойлашган.
Ипак толаларни ишлаб чиқаришнинг дастлабки жараёни пиллаларни сараш бўлиб, капалак қуртлари бўлган пиллаларни олиб ташланади. Пилла қайнатиш ва ипак йиғиш ишчи гуруҳлари тола ишлаб чиқаришни кўпайтиришга эътибор қаратишади . Пилла қайнатиш ишчи бригадаларининг машинистлари пиллани қайнатишда ҳароратни оқилона тартибга солиш орқали „фойдалилик кўрсаткич“ларини оширишлари керак.
Ипак ўраш сехида пилла толалар учларини топишга мас’ул бўлган ишчилар пилла ипларининг барча учларини кўздан кечиришиб, уларнинг бекорга исроф бўлмаслигига ишонч ҳосил қилишлари лозим.Ипак толаларини сараловчилар кўплаб тола қозонларига мас’ул бўлиб,„технологик даражасини ошириш“ ва ойлик ишлаб чиқариш режаларини ортиғи билан бажаришлари керак.
Гарчи БМТ эмбарголари сўнгги йилларда ипак савдосига путур этказишган бўлишса ҳам Чонгчонганг бренди асосидаги ипак толалари кўплаб мамлакатларга экспорт қилинган.
Ҳуичон шиша буюмлари ишлаб чиқариш фабрикаси
Ҳуичон шиша буюмлари ишлаб чиқариш фабрикаси асосий ва қўшимча бинолардан иборат,тахминан 12 000 квадрат метр майдонни эгаллаган. Завод ҳар йили ўн миллиондан ортиқ шиша идиш турларини ишлаб чиқаради.
Фабрикада шиша эритувчи печ,пресс-пластмасса машинаси ва кўплаб машинкалар мавжуд,маиший фойдаланиш учун турли хил шиша идишлар ишлаб чиқарилади. Улар Пхенян, Чаганг провинсияси ва мамлакатнинг бошқа ҳудудларидаги уй хўжаликларига етказиб берилади.
Гидроэнергетикаси
Ҳуичон атрофида бир қанча кичик ГЕСлар ҳамда 2012-йил апрел ойида муддатидан етти йил олдин қуриб битказилган йирик ГЕС (Ҳуичон № 2) мавжуд.ГЕСнинг асосий мақсади Пхенянни (жануби-шарқда 175 км масофада жойлашган) узлуксиз электр энергияси билан таъминлашдир.ГЕС тахминан 300 МВе энергия ишлаб чиқариш қувватига эга[2][3].
2012-йил декабр ойида Ҳуичон № 2 электр стансиясида жиддий конструктив муаммолар борлиги ва сув оқиши ҳақида хабар пайдо бўлди. Муаммолар шунчалик катта эдики, Пхенян кунига атиги беш соат электр энергияси билан таъминла олган. Озод Осиё радиоси ҳисоботига кўра, фақат Марказий партия амалдорлари учун квартиралар (43 қаватли), Корё меҳмонхонаси ва янги Чангжон кўчаси уй-жой қурилиши 24 соатлик, оддий аҳоли яшайдиган туманлар эса кунига атиги беш соат электр энергиясидан фойдаланиши мумкинлиги ҳақда хабар берилганди[4].
Жанубий Корея ахборот маркази, Тҳе Чосун Илбо маълумотларига кўра, Ким Жонг-ил муаммолардан хабар топгач, ғазабланиб, мас’ул шахсларга қаттиқ жазо беришни буюрганини хабар қилди[5].
Ҳаволалар
 | Бу мақола бирорта туркумга қўшилмаган. Илтимос, мақолага алоқадор туркумлар қўшиб ёрдам қилинг. (Апрел 2024) |
- ↑ „희천시(熙川市)“ [ҳуичон cитй] (ко). Энcйcлопедиа оф Кореан Cултуре. 2021-йил 3-февралда асл нусхадан архивланган. Қаралди: 2021-йил 29-январ.
- ↑ „Тҳе Неw Ҳуичон Поwер Статион Провидинг Элеcтриcитй то Пёнгянг“. Нортҳ Кореан Эcономй Wатч. 2012-йил 5-ноябрда асл нусхадан архивланган. Қаралди: 2013-йил 1-январ.
- ↑ Макоwскй, Петер; Тоwн, Женнй; Питз, Самантҳа. „Нортҳ Кореа'с Ҳйдроэлеcтриc Поwер - Парт И“. 38 Нортҳ. Тҳе Ҳенрй Л. Стимсон Cентер (2019-йил 3-июл). Қаралди: 2019-йил 2-сентябр.
- ↑ Жоон Ҳо Ким.. „Неw Поwер Плант Фаллс Шорт“. Радио Фреэ Асиа (2012-йил 7-декабр). Қаралди: 2019-йил 2-сентябр.
- ↑ „Ким Жонг-ил 'Диэд ин Фит оф Раге Овер Cонструcтион Прожеcт'“.