Inomjon Rasulov
| Иномжон Расулов | |
|---|---|
| Таваллуди |
1925-йил Қўқон, Фарғона вилояти, Ўзбекистон ССР, СССР |
| Фуқаролиги |
 СССР |
| Миллати | ўзбек |
| Мукофотлари | „Меҳнатда ўрнак кўрсатганлиги учун“, „Шавкатли меҳнати учун“ |
Иномжон Расулов (1925-йил, Қўқон, Фарғона вилояти, Ўзбекистон ССР, СССР ) – ўзбек тилшуноси, педагог-олим, бир қанча диктант ва қоидалар тўпламлари муаллифи, доцент[1].
Ҳаёти
Иномжон Расулов 1925-йили Ўзбекистон ССР таркибидаги Фарғона вилоятининг Қўқон шаҳрида туғилган. 1933-йилдан 1938-йилгача шаҳардаги бошланғич таълим берадиган мактабда таҳсил олди. 1938-йилдан 1940-йилгача Қўқондаги қишлоқ хўжалиги тайёрлов курсида таълим олган. Олий таълимни эса, шаҳар ўқитувчиларни тайёрлаш институтида 1940-йилдан 1942-йилгача олган. Олийгоҳни тамомлагач, шу ерда ўзбек тили фани ўқитувчиси сифатида ўз фаолиятини бошлади.
Фаолияти
1946-йили Тошкент давлат педагогика институтини сиртқи бўлими тамомлаб, Ўзбекистон ССР фанлар академиясига қарашли бўлган тил ва адабиёт институтига аспирантура таълим босқичига ўқишга қабул қилинади. Аспирантурага ўзбек профессори А.Ғуломов илмий раҳбарлигида қабул қилинган. 1951-йилда „Улуғ Ватан уруши йилларида ўзбек тили лексикаси тараққиёти“ мавзусида номзодлик диссертациясини ҳимоя қилган[2]. Орадан 1 йил ўтиб, 1952-йил доцентлик илмий унвонини қабул қилиб олган. Фанлар академиясининг тил ва адабиёт институтининг аспирантурасини битиргач, турли йилларда Қўқон давлат педагогика университетида ўқитувчи, доцент, кафедра мудири, директорнинг илмий ишлар бўйича ўринбосари лавозимларида фаолият юритди. 1957-йилда ушбу университет ректори этиб тайинланган. Расулов 1952-йилги совет республика илмий-амалий конференсияда „Ўзбек тилида илмий-техника терминологиясининг баъзи масалалари“ мавзусидаги илмий иши асосида бир қанча олий таълим муассасалари фан дарсликларига тақриз сифатида фойдаланишган. Шу йили, „Ҳозирги замон ўзбек тилида бир составли гаплар“ мавзусида докторлик диссертациясини ёқлаган. 1966-йилда Тошкент шаҳрида умумтаълим мактабларидаги ўқувчилар учун „Диктантлар тўплами“ китоби нашр этилган. Шу йили, Ўзбекистондаги педагогика олийгоҳлари учун „Ўзбек тили“ фан дарслигини ишлаб чиқиб, чоп этган.
У илмий фаолиятидан ташқари, ижтимоий фаолият билан ҳам шуғулланган. Турли йилларда Қўқон шаҳри „Билим“ жамияти раиси, Қўқон шаҳри советининг халқ маорифи бўйича доимий комиссия раҳбари бўлиб ишлаган.
Мукофотлари
Иномжон Расулов ўзининг илмий ва ижтимоий фаолияти сабаб ҳукумат томонидан бир қанча мукофотлар билан мукофотланган. „Меҳнатда ўрнак кўрсатганлиги учун“ медали, „Шавкатли меҳнати учун“ орденлари билан мукофотланган. Шу билан биргаликда, Ўзбекистон ССР Олий Совети Президиумининг фахрий ёрлиғи билан тақдирланган.