Integral sxema

Интеграл схема (ИС), микросхема ёки чип — жуда ихчам (микроминиатюр) электрон қурилма. Элементлари (диодлар, транзисторлар, резисторлар, конденсаторлар ва бошқалар) конструктив, технологик ва электр жиҳатдан ўзаро узвий боғланган (бирлаштирилган) ва ўта зич жойлаштирилган бўлади. Узлуксиз ёки дискрет (узлукли) электр ва оптик сигналлар тарзидаги ахборотларни қабул қилиш, қайта ишлаш учун мўлжалланади. Интеграл схема қуйидаги хилларга бўлинади: элементларни бирлаштириш (интеграция) усули бўйича — яхлит (монолит) ва гибрид (таркибий) (осма дискрет электрон асбобларлан фойдаланилган) схемалар; ишлов бериладиган сигналларнинг хили бўйича — рақамли ва аналог схемалар; ИСдаги элементлар сони Н (интеграция даражаси) бўйича — кичик (Н<102), ўрта (Н=102—103), катта (Н=W—104) ва жуда катта (Н>104) схемаларга бўлинади. Интеграл схема электрон ҳисоблаш машиналари, назорат-ўлчаш аппаратлари, алоқа техникаси ва бошқа соҳаларда қўлланади.