Interferometr

Интерферометр (интерференсия ва метр) — электромагнит ёки акустик тўлқинлар интерференсияси ҳодисасига асосланган ўлчаш асбоби. И.нинг иши битта нурнинг фазода икки (ёки кўп) когерент нурга парчалаб, турли йўналишда интерференсия кўринишларини ҳосил қилишидан иборат. Оптик И. кенг тарқалган. Бунга Майкелсон И. мисол бўлади нурлар кўзгу 3ҳ ва 32 лардан кайтиб тўпланиб обектив О нинг фокал текислигида интерференсияланади. Нурлар дасталарининг йўлини бараварлаш учун (мас, 1 нур пластина Я, дан икки марта ўтади) нур 2 йўлига пластина П2 ўрнатилади. 3, (ёки 32) ни озгина силжитилганда интерференсия полосалар қараш майдонида сезиларли сурилади. Кўзгу 3, (ёки 32) ўрнига бирор детал ўрнатиб, интерференсион тасвир бўйича детал сиртининг сифати тўғрисида мулоҳаза юритиш мумкин. Тўлқин табиатига қараб, И. акустик ва электромагнит тўлқинлар (оптик ва радиоин-терферометрлар) учун мослаб ясалади. Оптик И. спектрал чизиқларнинг тўлқин узунлигини, шаффоф муҳитларнинг ёруғлик синдириш кўрсаткичини, юлдузларнинг бурчак ўлчамларини, масофаларнинг мутлақ ва нисбий қийматини катта аниқликда ўлчаш учун ишлатилади. И. саноатда оптик тизим ва қисмларнинг сифатини текшириш ҳамда оптик деталларнинг сир-тини кузатиш учун қўлланади. Ме-таллургияда эса металл сиртларининг текислигини текширишда, шахталардаги метан ва карбонат ангидрид консентрациясини аниқлашда ҳам И.дан фойдаланилади.