Intervensiya

Интервенсия (лотинча интервентио -аралашув) — бир ёки бир неча давлатнинг бошқа бир давлат ички ишларига зўрлик билан аралашуви, унинг ҳудудий яхлитлиги ёки сиёсий мустакиллигига қарши қаратилган ҳаракатлари. Бундай ҳаракатлар БМТ устави билан ман қилинган. Ҳарбий (қуролли), иқтисодий, сиёсий И. бўлиши мумкин. Қуролли И. агрессия сифатида баҳоланади. Бундан ташқари, интервент давлатлар сонига қараб алоҳида бир давлатнинг ёки бир неча давлатнинг И.си бўлади, шунингдек, чет эл давлати ҳудудига қуролли кучлар ошкора бостириб кириши ва яширин, пинҳона тарзда кириши ҳам мумкин. Халқаро ҳуқуқда И.нинг ҳар қандай кўриниши ва шакллари тақиқланган.