Isaak Valdenberg

Исаак Яковлевич Валденберг (1906.11. 10, Украина - 1965. 3.4, Тошкент) — театр рассоми, Ўзбекистонда хизмат кўрсатган санъат арбоби (1964). Киев рассомлик институтини тугатган (1930). 1938-йилдан Тошкентда. Д. В. Ушаков билан ижодий ҳамкорликда ишлаб, Тошкент театрлари учун декорация ва либос чизгилари яратган: Ҳамза театрининг "Отелло" ва "Юлий Сезар" (1941, 1959) спектаклларига саҳна безаклари чизгилари, "Қонли сароб" (1964), "Сарвқомат дилбарим" (1964) спектакллари, Горкий номидаги рус драма театрининг "Жорж Данден" (1957), "Ҳаммом" (1957) спектаклларига декорация ва либос чизгилари ва б. В. ижоди театр рассомлиги ривожида декорация ва либослардаги натуралистик ҳолатларга барҳам беришда муҳим рол ўйнади.