Ismoil Berdiyev
Ismoil Aliyevich Berdiyev (qorachoy-bolqorcha: Berdileni Aliini djashы Ismail-xadji) — muftiy, Qorachay-Cherkes respublikasi musulmonlari diniy boshqarmasi raisi, Shimoliy Kavkaz musulmonlarini muvofiqlashtirish markazi raisi, Rossiya prezidenti huzuridagi diniy birlashmalar bilan hamkorlik kengashi aʼzosi.
| Ismoil Berdiyev | |
|---|---|
| qorachoy-bolqorcha: Berdileni Aliini djashы Ismail-xadji | |
 | |
| Tavalludi |
1954-yil 27-fevral Beliye Vodi, Sayram tumani, Qozogʻiston SSR |
| Fuqaroligi |
 Sovet Ittifoqi |
| Taʼlimi | Mir Arab madrasasi, Toshkent islom instituti, Al-Azhar |
| Kasbi | muftiy |
Tarjimai holi
Millati — qorachoy. 1954-yil 27-fevralda Qozogʻiston SSR Sayram tumanidagi Beliye Vodi qishlogʻida tugʻilgan, 1943-yilda ota-onasi boshqa qorachaylar kabi surgun qilingan. 1957-yildaoilasi bilan vataniga qaytgan va bu yerda oʻrta maktabni tamomlagan. Buxorodagi Miri Arab madrasasini va Toshkentdagi Islom institutini tugatgan. Qohiradagi (Misr) Al-Azhar universitetida tahsil olgan.
1989-yilda Stavropol oʻlkasi musulmonlari qoziyatining raisi etib saylangan. 1991-yildan Qorachay-Cherkes Respublikasi va Stavropol oʻlkasi musulmonlari diniy boshqarmasi raisi. 2010-yildan Qorachay-Cherkes respublikasi musulmonlari diniy boshqarmasi raisi (Stavropol oʻlkasi musulmonlari diniy boshqarmasi tuziladi).
2003-yilda Shimoliy Kavkaz musulmonlarini muvofiqlashtirish markazining Moskvada boʻlib oʻtgan yigʻilishida yangi raisi etib saylanadi.
2004-yildan beri Rossiya Federatsiyasi Prezidenti huzuridagi Diniy birlashmalar bilan hamkorlik boʻyicha kengash aʼzosi[1].
2016-yil avgust oyida „barcha ayollarni sunnat qilish“ tarafdori boʻlgan va ushbu soʻzlari Internetda koʻpchilikning gʻazabiga sabab boʻlgan. Garchi koʻpchilik buni jiddiy qabul qilgan boʻlsada, u hazil qilganini bildirgan[2]. 2016-yil oxirida anti-mukofot bilan taqdirlanib, „Yil seksisti“[3] deb topilgan.
Oilasi
Uylangan, ikki qizning otasi.
Mukofotlari
- Shon-sharaf ordeni (2016-yil 15-fevral) — maʼnaviy va madaniy aloqalarni rivojlantirishga qoʻshgan katta hissasi, faol maʼrifiy faoliyati uchun[4];
- Doʻstlik ordeni (2004-yil 11-avgust) — maʼnaviy madaniyatni rivojlantirish va xalqlar oʻrtasidagi doʻstlikni mustahkamlashdagi xizmatlari uchun;
- Rossiya Federatsiyasi Prezidentining minnatdorchiligi (2009yil 22-iyun) — xalqlar oʻrtasidagi doʻstlik va hamkorlikni mustahkamlashga qoʻshgan ulkan hissasi uchun;
- „Doʻstlik“ ordeni (Ozarbayjon, 2019-yil 28-fevral) — Ozarbayjon va Rossiya xalqlari oʻrtasidagi doʻstlik aloqalarini mustahkamlash sohasidagi koʻp yillik samarali faoliyati uchun[5];
- Axmat Qodirov ordeni (Checheniston, 2008-yil 8-yanvar ) — Shimoliy Kavkazda davlatchilikni rivojlantirish, tinchlik, xalqlar va konfessiyalar oʻrtasidagi doʻstlik va hamkorlikni mustahkamlash, xalqlarning maʼnaviy-axloqiy tiklanishiga hissa qoʻshadigan faoliyati uchun[6][7];
Manbalar
- ↑ Rasporyajenie Prezidenta Rossiyskoy Federatsii ot 7 fevralya 2004 goda № 47-rp „O Sovete po vzaimodeystviyu s religioznimi obʼedineniyami pri Prezidente Rossiyskoy Federatsii“
- ↑ „«Ya poshutil»: muftiy Berdiev okonchatelьno otkazalsya ot idei jenskogo obrezaniya. On sdelal eto posle podnyavshegosya skandala i ugrozы ugolovnogo presledovaniya“. 2016-yil 18-avgustda asl nusxadan arxivlangan. Qaraldi: 2016-yil 18-avgust.
- ↑ „Muftiy Karachaevo-Cherkesii Ismail Berdiev stal laureatom antipremii «Seksist goda»“. Kavkazskiy uzel (2017-yil 12-mart). 2018-yil 5-mayda asl nusxadan arxivlangan. Qaraldi: 2018-yil 4-may.
- ↑ „Ukaz Prezidenta Rossiyskoy Federatsii ot 15 fevralya 2016 goda № 59 «O nagrajdenii gosudarstvennыmi nagradami Rossiyskoy Federatsii»“. 2016-yil 23-fevralda asl nusxadan arxivlangan. Qaraldi: 2016-yil 11-mart.
- ↑ Rasporyajenie Prezidenta Azerbaydjanskoy Respubliki o nagrajdenii I. A. Berdieva ordenom „Dostlug“ ot 28 fevralya 2019 goda
- ↑ „Kadыrov i Berdiev peredali drug drugu ordena“. 2014-yil 13-yanvarda asl nusxadan arxivlangan. Qaraldi: 2014-yil 10-yanvar.
- ↑ „Ukaz Prezidenta Chechenskoy Respubliki ot 8 yanvarya 2008 goda № 1 «O nagrajdenii ordenom Kadыrova Berdieva I. A.»“. 2014-yil 10-yanvarda asl nusxadan arxivlangan. Qaraldi: 2014-yil 10-yanvar.