Ismoiljon Malikov

Исмоилжон Маҳамаджанович Маликов (1973-йил 19-январ, Қирғизистон) — совет ва қирғиз футболчиси, майдоннинг барча позицияларида ўйин боради. 1999-йилги Қирғизистон чемпионатининг энг яхши тўпурари.

Исмоилжон Маликов

Шахсий маълумот
Тўлиқ исми	Исмоилжон Маҳамаджонович Маликов
Таваллуд санаси	1973-йил 19-январ
Таваллуд жойи	Қирғизистон
Амплуаси	универсал

Биография

Илмоилжон Маликов 1973-йилнинг 19-январ санасида Қирғизистонда таваллуд топган.

Спорт фаолияти

Исмоилжон Маликов СССР чемпионатининг сўнгги мавсумида Андижоннинг „Наврўз“ клуби учун иккинчи лига баҳсларида ўйнай бошлайди. СССР парчаланиб кетганидан кейин ҳам бир неча йил давомида „Наврўз“ клуби сафида Ўзбекистон чемпионатидаги ўйинларини давом эттиради. 1992—1997-йилларда олий лигада умумий ҳисобда 90 та ўйин ўтказиб, 10 та гол уришга муваффақ бўлади. Кейинчалик қисқа фурсат ичида Қирғизистон чемпионатида иштирок этувчи клублар сафига ўтади — 1992-йилда „Спартак“ (Тўқмоқ), 1995- йилда эса „Динамо“ клуби билан (Ўш) ўйинларда майдонга тушади.

1990-йиллар охирига келиб Маликов Қирғизистонга қайтиб келади. 1999-йилда „Жаштик-Ак-Алтин“ (Ёшлик-Оқ-Олтин) жамоаси таркибида ўйнайди ва жами 16 та гол билан Қирғизистон чемпионатининг энг яхши тўпурари деб топилади. Ушбу ўйинларда Маликов жамоаси билан биргаликда чемпионатнинг бронза медалларини қўлга киритади. Кейинги йили футболчи „Динамо-Олой“ (Ўш) жамоасида ўйинларини давом эттиради ва Қирғизистон кубоги финалигача етиб борган ҳолда ва умумий 10 та гол билан клубнинг энг яхши тўпурар футболчиси деб топилади.

2002-йилдан 2010-йилга қадар Маликов „Жаштйк-Ак-Алтйн“ таркибида токи жамоа тарқаб кетмагунга қадар ўйин олиб боради.

Ютуқлари

Футболчи спорт фаолияти давомида 1 марта мамлакат чемпионлигини қўлга киритган (2003), 1 марта кумуш (2002) ва 5 марта бронза (2004, 2005, 2006, 2007, 2009) медаллари соҳиби, шунингдек, Қирғизистон кубоги финалчиси (2002, 2003, 2004, 2005, 2006, 200) бўлган. Ушбу ютуқларга эришган даврида Маилоков, асосан, майдонда ҳимоячи вазифасини бажарган.