Ivan Bebek
Иван Бебек (1977-йил 30-майда туғилган) — хорватиялик футбол ҳаками.
 Бебек, 2017-йил | |||
| Тўлиқ исми | Иван Бебек | ||
|---|---|---|---|
| Таваллуд санаси | 1977-йил 30-май | ||
| Таваллуд жойи |
Риека, Хорватия Социалистик Республикаси, Югославия | ||
| Миллий мусобақалар | |||
| Йиллар | Лига | ||
| Прва ҲНЛ | |||
| Халқаро мусобақалар | |||
| Халқаро йиллар | Ташкилот | ||
| 2003– | ФИФА рўйхатидаги ҳакам | ||
Бебек УЭФА Чемпионлар Лигаси гуруҳ босқичининг учта учрашувини бошқарган ягона хорватиялик ҳакам ҳисобланади. Улар қаторига 2007–08-йилги мавсумдаги СС Лазио — Вердер Бремен, 2008–09-йилги мавсумдаги Бордо — CФР Cлуж ҳамда 2013–14-йилги мавсумдаги Копенгаген — Ювентус учрашувлари киради. Шунингдек, у 2013-14-йилги УЭФА Чемпионлар лигаси плей-офф босқичидаги Пари Сен-Жермен ва Баер Леверкузен жамоалари ўртасидаги ўйинни ҳам бошқарган.
Бебек ФИФА У-17 Жаҳон чемпионати 2007 мусобақасида ҳакамлик қилган. Шунингдек, УЭФА Эуро 2008 турнирида тўртинчи расмий шахс сифатида фаолият юритган. У Футбол бўйича 2009-йилги У-20 жаҳон чемпионати учрашувларида ҳам ҳакамлик қилган ҳамда Ҳиндистон Суперлигаси ишлаш учун таклиф этилган.
У Футбол бўйича 2010-йилги жаҳон чемпионати учун ҳакамликка номзодлар рўйхатига киритилган[1].
Бебек Футбол бўйича 2026-йилги жаҳон чемпионати учун ҳакамликка номзодлар рўйхатига киритилган[2].
Баҳсли ҳолатлар ва фаолиятидаги воқеалар
Иван Бебек ҳакамлик фаолияти давомида бир неча баҳсли ҳолатлар марказида бўлган. 2016-йил 17-мартда у УЭФА Европа Лигаси доирасидаги Брага ва Фенербаҳче ўртасидаги учрашувни бошқарган. Учрашув давомида Фенербаҳче футболчиларига учта қизил ва саккизта сариқ карточка кўрсатган, ўйин эса Брага фойдасига 4:1 ҳисобида якунланган. Ўйиндан сўнг Фенербаҳче клуби Бебекни Фенербаҳчега нисбатан гаразли ҳакамлик қилганликда айблади ҳамда УЭФАдан унинг телефон ёзувлари ва молиявий ҳолатини текширишни талаб қилди. Шикоят кўриб чиқилгач, 2016-йил 12-июнда УЭФА ҳакамлар қўмитаси уни элита тоифасидан биринчи тоифага туширган.
2021-йил 7-октябрда Хорватия футбол федерациясининг интизом қўмитаси унинг журналист билан бўлган суҳбатлари оммага тарқалганидан сўнг Бебекни тўрт ой муддатга четлатган. Суҳбатларда у Ҳаждук Сплит мухлисларини ҳақорат қилгани аниқланган.
2022-йил 1-ноябрда Бебек УЭФА Европа Лигаси гуруҳ босқичидаги Динамо Киев ва Фенербаҳче ўртасидаги учрашувга тўртинчи расмий шахс этиб тайинланган эди. Бироқ учрашув олдидан у бошқа хорватиялик ҳакам Марин Видулин билан алмаштирилган ва бу қарор юзасидан УЭФА расмий изоҳ бермаган[3].
Яна қаранг
Манбалар
- ↑ Лист оф проспеcтиве 2010 ФИФА Wорлд Cуп рефереэс
- ↑ „Инстаграм“. www.инстаграм.cом. Қаралди: 2026-йил 25-апрел.
- ↑ „УЭФА, Иван Бебек'и Фенербаҳçэ маçıндан гери çэкти - Сон Дакика Спор Ҳаберлери“. [www.нтв.cом.тр](ҳттп://www.нтв.cом.тр). Қаралди: 2022-йил 14-ноябр.