Ivan Kablukov
Иван Алексеевич Каблуков (21-август 1857-йил, Москва, Москва округи, Троицкий уезд, Прусси қишлоғи, Россия империяси – 1942-йил 5-май, Тошкент, Ўзбекистон ССР, СССР) – рус ва совет физик кимёгари.
| Иван Каблуков | |
|---|---|
| Таваллуди |
21-август 1857-йил Россия империяси |
| Вафоти |
5-май 1942-йил Тошкент, ЎзССР, СССР |
| Фуқаролиги |
 Россия империяси Россия империяси  СССР |
| Илмий даражаси | фан доктори |
| Илмий унвони | профессор |
| Академик раҳбарлари | Владимир Василевич Марковников |
СССР Фанлар академиясининг фахрий аъзоси (1932). Иван бир вақтнинг ўзида ва мустақил равишда В. А. Кистяковский билан ионларнинг концепциясини таклиф қилган ва эритмаларнинг физик ва кимёвий назарияларини бирлаштиришга асос солган. Россияда физик кимёгарлар мактабининг асосчиси. Меҳнат Қаҳрамони.
Биографияси
Иван Алексеевич 21-август 1857-йил Москвада Москва вилояти , Троицк уездининг Прусси қишлоғида (ҳозирги Митишинский тумани, Москва вилояти) стоматологлар оиласида таваллуд топган[1].
Каблуков 1876-йилда 2-Москва классик гимназиясини тамомлаган. Москва университетининг физика-математика факултетининг табиий фанлар бўлими талабаси бўлган (1876–1880) ва уни номзодлик даражаси билан тугатган. Иван талабалик йилларида В. А. Маклаковнинг устози бўлган. Профессор В. В. Марковниковнинг тавсиясига кўра, Каблуков кимё кафедрасига профессорликка тайёрлаш учун қолдирилди. 1881–1882-йилларда Санкт-Петербург университетида кимё профессори А. М. Бутлеровнинг кимёвий лабораторияси ходим бўлиб ишлаган, кейин эса Москва университетида В. В. Марковников[1] билан ишини давом эттирган.
Каблуков 1889-йилда профессор С. Аррениус раҳбарлигида Лейпсиг университетида профессор В. Оствалд лабораториясида ишлаган[2].
Иван 1897–1906-йилларда Москва муҳандислик мактабида дарс берган. У ерда ноорганик ва аналитик кимё, шунингдек, қурилиш материаллари технологияси ва темир металлургия бўйича амалий машғулотлар олиб борган[3].
1918-йил кузида октябр инқилобидан сўнг унинг акаси Николай Алексеевич ҳибсга олинган. Аммо тез орада Иван Алексеевичнинг қўллаб-қувватлаши туфайли озодликка чиққан[4].
1941-йил сентябр ойида Улуғ Ватан уруши бошланганидан кейин бўлим ходимларининг бир қисми Чакино (Тамбов вилояти) ва Самарқандга эвакуация қилинган. Каблуков 1942-йил 5-майда эвакуация пайтида Тошкентда вафот этган[5].
Оиласи
Иван Алексеевичнинг отаси Алексей Федорович Каблуков (1814–1882) – Москва вилояти Витенево қишлоғидаги Салтиков-Шедрин мулкининг бошқарувчиси, стоматолог бўлган.
Онаси – Каблукова Екатерина Степановна.
Манбалар
- ↑ 1,0 1,1 „Академик Каблуков Иван Алексеевич“. Химический факультет МГУ. 2015-йил 10-февралда асл нусхадан архивланган. Қаралди: 2014-йил 7-август.
- ↑ „Кафедра неорганической и аналитической химии“ (деадлинк). РГАУ-МСХА им. К.А. Тимирязева. 2014-йил 9-августда асл нусхадан архивланган. Қаралди: 2014-йил 7-август.
- ↑ Прогрессивная Дума. // „Искри“. Год 17 1917, № 2. с. 12-14 на сайте НЕБ
- ↑ Варущенко, Зайцева. Жизнь, посвященная науке (К 150-летию со дня рождения академика И. А. Каблукова) // Вестник Российской академии наук. — 2007. — Т. 77, № 10. — С. 907. Архивировано 8 август 2014 года.
- ↑ Светлана Самоделова. „Самый рассеянный герой“. Московский Комсомолец (2007-йил 6-июл). 2014-йил 11-августда асл нусхадан архивланган. Қаралди: 2014-йил 7-август.