Ivan Shabalov
| Иван Павлович Шабалов | |
|---|---|
| Таваллуди |
1959-йил 16-январ Чирчиқ, Тошкент вилояти, ЎзССР |
| Фуқаролиги |
 СССР  Россия |
| Соҳаси | тадбиркор, олим |
| Таълими | МИСиС Миллий тадқиқот технология университети |
| Мукофотлари | Россия Федерацияси ҳукуматининг фан ва технология соҳасидаги мукофоти |
Иван Павлович Шабалов (1959-йил 16-январ, Чирчиқ, Тошкент вилояти, ЎзССР) – рус олими ва тадбиркори[1], 22 миллиард рубллик активга эга бўлган Трубные инновационные технологии (ўзбекча: Қувур инновацион технологиялари) компанияси эгаси[1][2]. Техника фанлари доктори[3].
Таржимаи ҳоли
Иван Шабалов 1959-йил 16-январда Тошкентдан 40 км узоқликдаги Тошкент вилоятининг Чирчиқ шаҳрида туғилган[4][5].
Мактабдан сўнг у ўтга чидамли ва иссиққа чидамли металлар комбинатига ишга жойлашди ва у ерда Москвадаги МИСиС университетига йўлланма олди ва ўқишга кирди[5].
Университетда ўқиш билан бир вақтда Шабалов ишлаб чиқаришда – комбинатнинг совуқ прокат тегирмонида ишлаган[5]. Шабалов билан бирга кейинчалик миллиардерга айланган бир қанча талабалар таҳсил олишган[6].
1983-йилда МИСИСни тугатгандан сўнг, Шабалов аспирантурага ўқишга кирди ва Қора металлургия марказий илмий-тадқиқот институти ходими бўлиб ишлади[5][6][7]. 32 ёшида у бош директор ўринбосари бўлди ва номзодлик диссертациясини ҳимоя қилди[5].
1991-йилда Шабалов Қарағанди темир-пўлат комбинати[5][7] негизида пўлатни қайта ишлаш ва электр жиҳозларини йиғиш билан шуғулланадиган „ТСК-Стил“ ташқи савдо совет-швейсар компаниясининг бош директори этиб тайинланди[5][8].
1993-йилда у Россия Федерацияси Бош вазирининг биринчи ўринбосари Олег Сосковецнинг маслаҳатчисига айланди[5][7]. У ушбу лавозимда 1996-йилгача ишлаган[5].
1995-йилда Шабалов „Рус хроми“ савдо компаниясини рўйхатдан ўтказди[5][8], 2001-йилгача уни бошқарди[7]. 1990-йилларда у Россия металлургия корхоналарига фаол сармоя киритди[6][5].
Шабалов 1990-йилларнинг охирида Рем Виахирев бошчилигида Газпром билан ишлай бошлади[5].
1999—2000-йилларда у Орско-Халиловский темир-пўлат комбинати директорига айланди ва у ерда савдогар сифатида хомашё етказиб берди[5][7][5].
2001-йилда металлургия маҳсулотларини етказиб бериш билан шуғулланадиган „Инжпромтехстрой“ компаниясини ташкил этди[9] ва 2006-йилгача уни бошқарди.
2004-йилда Шабалов Россиянинг энг йирик қувур ишлаб чиқарувчиларини уюшмага бирлаштирди[1][10][11][12], бунинг натижасида импорт қилинадиган маҳсулотлар ўрнини маҳаллий қувурлар алмаштирди[1].
2005-йилда „Шимолий Европа қувурлари лойиҳаси“ (СЕТП) компаниясига асос солган. Бир неча йил ўтгач, компания Россиядаги энг йирик қувур сотувчисига айланди[6]. 2010-йилда компаниянинг назорат пакети ака-ука Аркадий ва Борис Ротенбергларга сотилди[1][7].
2006-йилда Шабалов Қувур инновацион технологиялари компаниясини ташкил қилди ва ҳали ҳам ушбу компанияга раҳбарлик қилади[4][5][13].
2014-йилда Шабалов „Жанубий оқим“ лойиҳасини амалга ошириш бўйича Европа комиссияси вакиллари билан учрашувда иштирок этди[10].
Илмий фаолияти
Шабалов И. П. Бардинн омидаги Қора металлургия марказий илмий-тадқиқот институтида 10 йилга яқин ишлаган, у ерда оддий ходимдан директор ўринбосари лавозимигача кўтарилган[4][5][7]. Илмий-тадқиқот институтини тарк этгач, у илмий ва илмий-педагогик ишларни давом эттирган[1][14][15].
2004-йилда Шабалов Россия Федерацияси ҳукуматининг фан ва технология соҳасидаги мукофоти билан тақдирланган[9].
Асарлари
Иван Шабалов 100 дан ортиқ илмий ишлар муаллифи, жумладан[16]:
Монографиялари
- Шабалов И. П., Шафигин З. К. Газ ва нефт қувурлари ва қурилиш конструксиялари учун юқори қувватли совуқ коррозияга чидамли табиий қотишма пўлатлар. // „Иссиқлик энергетикаси“ – 2003-йил
- Шабалов И. П. Пўлат қувватига кўра турли синфлардаги қувурлардан фойдаланган ҳолда газ қувурларини қуриш самарадорлиги. // „Нефт ва газ“. – 2007-йил
- Шабалов И. П. Қувур саноатининг ҳозирги ҳолати ва иқтисодий хусусиятлари. // „Геопресс“. – 2008-йил
Мақолалари
- Шабалов И. П., Лавров И. П. Иссиқ прокат (ва кенг полосали) пўлат ишлаб чиқаришнинг ривожланиш тенденцияларини таҳлил қилиш // Черметинформация. – 1986-йил
- Тетерин П. К., Шабалов И. П., Ребеко А. Ф. Юқори сифатли прокат ва қопламаларни ишлаб чиқаришнинг технологик хусусиятлари // „Металлургия“. – 1987-йил
- Шабалов И. П., Деев А. И. Юпқа плитали УНРС ва паст ҳароратли прокатдан фойдаланган ҳолда иссиқ прокат маҳсулотларини ишлаб чиқаришнинг технологик жараёнлари // СССР Фанлар академияси Металлургия институти СССР Фан ва технология давлат қўмитасининг „Қора металлургиядаги янги жараёнлар“ илмий кенгашининг йиғилиши; Чермет марказий илмий-тадқиқот институти // Маъруза тезислари. – 1990- йил
- Лебедев В. И., Евтеев Д. П., Шабалов И. П. Ясси инготларни узлуксиз қуйиш усули. РФ Патенти № 2038897 // Ахборотнома. № 19 – 1995- йил
- Одесский П. Д., Шабалов И. П., Кулик Д. В., Кокота И. И. НОСТА (ОКҳМК) ОАЖ томонидан муҳим мақсадлар учун пайвандланган металл конструкциялар учун ишлаб чиқарилган янги авлод пўлатлари // „Қурилишда ўрнатиш ва қурилиш ишлари“. – 2003. – 1-сон
- Шабалов И. П. Россияда газ ва нефт қувурлари тизимини ривожлантириш истиқболларини ҳисобга олган ҳолда қувур пўлатларининг янги авлодини ишлаб чиқиш ва ўзлаштириш вазифалари // „Метал етказиб бериш ва сотиш“. – 2003. – 12-сон
- Шабалов И. П. 2800 пластинка тегирмонида прокатни шакллантиришни ўрганиш // „Прокат ишлаб чиқариш“. – 2004. – 8-сон
- Шабалов И. П., Великоднев В. Й., Барсуков А. А., Макшин А. В. Юқори сейсмик ва фаол тектоник ёриқлар зоналарида магистрал газ қувурларига қўйиладиган талабларни асослаш // „Нефт ва газ мажмуасида сифат менежменти“. – 2013. -№ 2
- Барсуков А. А. Великоднев В. Й. Шабалов И. П. Юқори ёпишқоқликдаги қувур пўлатларининг динамик синовларини симуляция моделлаштириш // „Нефт ва газ мажмуасида сифатни бошқариш“. – 2014. – 2-сон
- Шабалов И. П., Шаститко А. Э., Голованова С. В. Катта мижоз иштирокида инфратузилма лойиҳаларида хавфларни тақсимлаш // Ўқув қўлланма. М. В. Ломосов номидаги Москва давлат университетининг иқтисод факултети. – 2016-йил.
Манбалар
- ↑ 1,0 1,1 1,2 1,3 1,4 1,5 ФОТО: 3. Иван Шабалов | Форбес.ру
- ↑ [ҳттп://www.вести.ру/доc.ҳтмл?ид=2670488 Вести. Ру: Программа „Энергетика“: газовиэ гарантии, курс на экологию и топливо будущэго
- ↑ „Руссиан пипемакерс финд силвер лининг ин стандофф wитҳ Wест“ (эн). Реутерс. Реутерс (2014-йил 25-сентябр). Қаралди: 8-ноябр 2023-йил.
- ↑ 4,0 4,1 4,2 „Перспективы работы трубной отрасли России“. тв.тбc.ру. РБК (2016-йил 16-июн). Қаралди: 8-ноябр 2023-йил.
- ↑ 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 5,14 5,15 „Как Иван Шабалов стал поставщиком «Газпрома» и партнером «друзей Путина»“. Форбес Россия. Форбес (2013-йил 28-март). Қаралди: 8-ноябр 2023-йил.
- ↑ 6,0 6,1 6,2 6,3 „"Никто не хотел быть миноритарием"“ (ру). Коммерсант. Қаралди: 8-ноябр 2023-йил.
- ↑ 7,0 7,1 7,2 7,3 7,4 7,5 7,6 „Трейдер Иван Шабалов: об отмене «Южного потока» трубники узнали из газет“ (деадлинк). 2016-йил 9-майда асл нусхадан архивланган. Қаралди: 2016-йил 21-июл.
- ↑ 8,0 8,1 „Шабалов Иван Павлович“. Коммерсант. Қаралди: 8-ноябр 2023-йил.
- ↑ 9,0 9,1 Премии правителства за 2004 год в области науки и техники – Российская газета
- ↑ 10,0 10,1 „Глава российской Ассоциации производителей труб провел встречу с представителями Еврокомиссии“ (ру). металинфо.ру. 2023-йил 8-ноябрда асл нусхадан архивланган. Қаралди: 8-ноябр 2023-йил.
- ↑ „Ассоциация производителей труб“. Коммерсант.ру. Қаралди: 8-ноябр 2023-йил.
- ↑ „Эксклюзивное интервью председателя координационного совета Ассоциации производителей труб И. Шабалова“ (ру). рбc.ру. РБК. Қаралди: 8-ноябр 2023-йил.
- ↑ „Руссиан Норд Стреам-2 он траcк wитҳ пипес эхпеcтед соон“ (эн). Реутерс. Реутерс (2016-йил 13-сентябр). Қаралди: 8-ноябр 2023-йил.
- ↑ „Архивированная копия“ (деадлинк). 2016-йил 23-августда асл нусхадан архивланган. Қаралди: 2016-йил 21-июл.
- ↑ „Трубниэ инновационниэ технологии провели Р&Д-семинар о производстве и применении високопрочних труб“. 2023-йил 8-ноябрда асл нусхадан архивланган. Қаралди: 2023-йил 8-ноябр.
- ↑ „Архивированная копия“ (деадлинк). 2016-йил 3-декабрда асл нусхадан архивланган. Қаралди: 2016-йил 2-декабр.
Ҳаволалар
- Коммерсант. Биография Ивана Шабалова
- Форбес. Как Иван Шабалов стал поставщиком „Газпрома“ и партнером „друзей Путина“
- РБК. Перспективи работи трубной отрасли России
- Вести. Интервю с Иваном Шабаловим
- Реутерс. Интервю (Wайбаcк Мачине сайтида 2016-12-21 санасида архивланган)