Izolyator

Изолятор (франсузча: исолатеур, исолер — алоҳидаламоқ) 1) тиббиётда — касалхона, болалар поликлиникаси, санатория, болалар боғчаси каби муассасаларда махсус жиҳозланган бино, хона. Касали атрофдагиларга юқиши мумкин бўлган кишилар (юқумли касаллик билан оғриган ёки шундай касаллиги бор деб гумон қилинганлар, уларга яқин юрганлар) И.га ётқизиб даволанади. Инфексион касалхоналарнинг ҳар бир бўлимидаги И.-боксга алоҳида эшикдан кириб чиқилади. И.да тиббиёт ходимлари юз-кул ювиши учун идиш турадиган, халат ва қалпоқ осиб қўйиладиган даҳлиз бўлиши шарт. И.да эпидемияга қарши режимга қатъий риоя қилинади: шахсий гигиенага бекаму кўст амал қилишга ўргатилган махсус ходим ишлайди, хона мунтазам дезинфексия қилиб турилади, беморнинг кўрпа-тўшаги, кийим-боши, идиш-товоғи алоҳида бўлади. Уй шароитида алоҳида хона, ё унинг ширма ёки чойшаб билан тўсилган бурчаги И. вазифасини ўташи мумкин. 2) Ветеринарияда — бошқа хўжалик биноларидан камида 200 м масофада қурилган алоҳида хона. И.га кириладиган жойга ер (остона)га дезинфекторлар шимдирилган тўшама ташлаб қўйилади. Гўшт комбинатларида бир суткада қабул қилинадиган молларнинг 1% ига қадар миқдори жойлаштириладиган И.лар қурилган эди. изолятор озидан электр токини ўтказмайдиган материаллар улар чинни шиша ва сопол буюмлардан ясалган болиши мумкин.