Jan Akkersdijk
Жан Жаcоб Аккерсдижк (талаффузи: Ян Якоб Аккерсдейк) (1887-йил 8-январ, Нгрантжак, Голландия — 1953-йил 31-март, Арнем) – голландиялик футболчи, Велоcитас Бреда жамоаси ҳужумчиси бўлган. Голландия терма жамоасида иккита ўйин ўтказган.
| Шахсий маълумот | |||
|---|---|---|---|
| Тўлиқ исми | Жан Жаcобус Аккерсдижк | ||
| Таваллуд санаси | 8-январ 1887-йил | ||
| Таваллуд жойи |
Нгрантжак неар Амбараwа, Голландия Ҳиндистони | ||
| Вафот санаси |
31-март 1953-йил (66 ёшда) | ||
| Амплуаси | Ҳужумчи | ||
Илк йиллари
Жан Жаcоб Аккерсдижк, шунингдек, Жек номи билан танилган, Жава оролида жойлашган Салатига шаҳри яқинида жойлашган Нгрантжак қишлоғида дунёга келган.
Отаси – Жорис Аккерсдижк, Роттердамлик, онаси – Вилҳелмина Александрина ван Леувен, Лумадянг шаҳрида туғилган. Ота-онаси 1881-йил август ойида Лумадянгда турмуш қуришган. Уларнинг оиласида олти фарзанд туғилган: уч қиз ва уч ўғил. Оила бошлиғи плантатор ва Манди Раджа тамаки компаниясининг эгаси бўлиб, унинг қароргоҳи Банюмасда жойлашган эди. Унинг бобоси Жаcоб Аккерсдижк рассом ва Роттердамдаги Тасвирий санъат академиясида ўқитувчи бўлиб ишлаган.
Жан Голландия марказига машғулот ўташ учун жўнаб кетган ва у ерда Алкмаардаги кадет мактабига ўқишга кирган. Шу клубда футбол ўйнай бошлаган. 1906-йилда у Бреда шаҳридаги Қироллик ҳарбий академиясига ўқишга кирган.
Спортчилик фаолияти
Ўн саккиз ёшида Жан асосан ҳарбий академия ва кадет мактаблари талабалари ўйнайдиган „Велоcитас“ футбол клубига аъзо бўлган[1]. Жан клубда марказий ҳужумчи сифатида ўйнай бошлаган ва бир йилдан сўнг Голландия терма жамоасидан чақирув олган.
Унинг терма жамоадаги дебюти 1908-йил 26-апрелда Роттердамда Белгияга қарши ўтказилган ўртоқлик учрашувида бўлиб ўтган. Мезбонлар 3:1 ҳисобида ғалаба қозонишган[2]. Жаннинг охирги ўйини Франсия терма жамоасига қарши ўтказилган ва гол уришга муваффақ бўлган[3]. Унинг жамоаси 4:1 ҳисобида ғалаба қозонган – Голландия учун бу Франсия термаси билан биринчи учрашув бўлган.
1909-йилда у Ҳаарлемдан ҲФC клубига кўчиб ўтган, лекин тез орада Голландиянинг Шарқий Ҳиндистонида хизмат қилиш учун чақирилган[4].
Шаҳсий ҳаёти
Икки марта оила қурган. У биринчи марта йигирма тўққиз ёшида оила қурган бўлиб – унинг рафиқаси Ачех провинсиясидаги Танжонг Пура қишлоғида туғилган 18 ёшли Жонкер Дора (Долли) Диббец эди. Уларнинг никоҳи 1916-йил 12-апрелда Богорда қайд этилган. 1921-йил декабр ойида уларнингоиладиа икки қиз туғилган[5]. Эр-хотин 1924-йил 28-февралда Жакартаада ажрашишган.
1931-йил июл ойида у Жакартада 29 ёшли Луиза Маргарета Леони Шуллер тот Персум билан оила қурган. 1932-йил апрел ойида ўғли Жек Жорис дунёга келган[5].
Манбалар
- ↑ „Конинклижке Недерландсе Воэтбалбонд (КНВБ) » Инвентарис нр. 449, Сcан: 242.“ (нл). гаҳетна.нл. Қаралди: 2015-йил 22-апрел.
- ↑ „Недерланд — Белгиум 3:1.“ (нл). воэтбалстац.нл. 2015-йил 7-апрелда асл нусхадан архивланган. Қаралди: 2015-йил 22-апрел.
- ↑ „Недерланд — Франкрижк 4:1.“ (нл). воэтбалстац.нл. 2015-йил 7-апрелда асл нусхадан архивланган. Қаралди: 2015-йил 22-апрел.
- ↑ „Ж. Ж. Аккерсдижк наар Индиë.“ (нл). Де Телеграаф. Қаралди: 2015-йил 22-апрел.
- ↑ 5,0 5,1 „Беволкингсрегистер мет Жан Жаcоб Аккерсдижк.“ (нл). Ҳаагс Гемеэнтеарчиэф. Қаралди: 2021-йил 7-сентябр.
- ↑ „БС Оверлижден мет Жан Жаcоб Аккерсдижк.“ (нл). Гелдерс Арчиэф. Қаралди: 2021-йил 7-сентябр.