Ziyosfera

Jbeyna

Жбейна (малт. Ġбежна, пл. ҳ. малт. ġбежниэт) — эчки ёки қўй сути, туз ва ширдондан тайёрланган Малта пишлоғининг миллий тури. Гозо ороли Малта Республикасининг пишлоқ етиштирувчи ҳудуди ҳисобланади. Пишлоқнинг „Ġбежна“ номи Европа Иттифоқида ҳимояланган минтақавий номдир.

Тайёрланиши

Пишлоқ пастеризация қилинган ва қилинмаган қўй ёки эчки сутидан тайёрланади. Пишлоқ авваллари махсус қамишдан ясалган қолипларда тайёрланган бўлса, ҳозирда пластик идишларда тайёрланади ва елвизакда қуритилади. Жбейнанинг учта асосий тури мавжуд: янги (малт. ġбежниэт фриски), қуритилган (малт. ġбежниэт моххи) ва қалампирли (малт. ġбежниэт тал-бżар). Янги пишлоқ зардобда сақланади ҳамда таъми ва тузилиши жиҳатидан италян моззарелласига жуда ўхшайди. Қуритилган пишлоқ мускат ёнғоғи ҳиди билан аччиқ таъмга эга. Тузланган қора қалампирли пишлоқ одатда зайтун мойи ёки махсус маринад ичида сақланади ва пишлоқ қанча узоқ турса, унинг таъми аччиқроқ ва ўткирроқ бўлади.

Малта ошхонасида

Жбейна пишлоғи қайлалар тайёрлашда таъм берувчи восита сифатида ишлатилади. У Малта миллий таомларининг бири — „бева шўрва“ (малт. соппа тал-армла) таркибида ҳам бор ва ундан Малта нони ҳобз биз-зеит (малт. ħобż биż-żэжт) ичига солинади. Ушбу пишлоқ кўпинча спагетти билан бирга тортилади ва пица тайёрлашда ишлатилади.

Адабиётлар

Ҳаволалар

"https://new.ziyosfera.uz/ziyo/19914441" dan olindi