Kafedra

Кафедра (юн. катҳедра — ўриндиқ, курси) — 1) ўқитувчи, маърузачи, нотиқ учун мўлжалланган жой; 2) олий ўқув юртларида бир ёки бир-бирига яқин бир неча фанлардан ўқув, методика ва илмий тадқиқот ишлари олиб борувчи, шунингдек, илмий-педагогик кадрлар тайёрловчи, мутахассислар малакасини оширувчи асосий бўлим. Катҳедрага, одатда, профессор, фан доктори раҳбарлик қилади (доцент, фан номзоди ҳам раҳбарлик қилиши мумкин). Катҳедра таркибига проферрор, доцент, ассистент, катта ўқитувчи, катта ва кичик илмий ходим, аспирант ва бошқалар киради. Катҳедра ўз лаборатория ва кабинетига эга бўлади. Унга лексиялар, лаборатория ишлари, амалий ва ўқув машғулотлари, семинарлар ўтказиш, ўқув ва ишлаб чиқариш амалиёти, тадқиқот ишлари, курс ва диплом лойиҳа(иш)ларига раҳбарлик қилиш ва бошқалар вазифалар юклатилган. Катҳедралар умуминститут (университет) ва факултет К.ларига бўлинади. Умуминститут (университет) Катҳедралар олий ўқув юртининг барча ёки кўпчилик факултетларида ўқитиладиган умумий илмий фанлар, факултет Катҳедралари муайян факултетда ўтиладиган махсус фанлар билан шуғулланади; 3) христианлик черковида ваъз этиладиган баланд минбар.