Kalorifer

Калорифер (лотинча cалор — иссиқлик ва феро — элтаман) — вентилясия, ҳаво билан иситиш тизимлари ва қуритгичларда хавони қиздириб берадиган асбоб; тузилиши рекуператив ҳаво қиздиргичга ўхшаш. Бунда ҳаво иссиқлик элтгич билан қиздирилади. Иссиқлик элтгич турига кўра, К. сувли, буғли (кенг тарқалгани), газли, ўт-ҳаволи ва электр хилларга; тузилишига кўра, пластинкали, кувурли, спирал қовурғали, япроқсимон ва б. хилларга бўлинади. Пластинкали К. (радиатор) кенг тарқалган бўлиб, унда иссиқлик элтгич (сув буғи ёки қайноқ сув) сирти пластинкали қувурдан оқади ва пластинкалар орасидаги ҳавони иситади.