Karki
Карки (1999-йилдан 2017-йилгача Отамурот) — Туркманистоннинг Лебап вилояти Отамурод туманидаги шаҳар (1925-йилдан). Туман маркази. Амударёнинг чап соҳилида. Ўнг соҳилида пристан ва Каркичи темир йўл стансияси (Когон — Душанба темир йўл йўналиши) жойлашган. Шаҳар Туркманобод — Отамурот темирйўлнинг охирги пункти. Карки шоссе йўли орқали Туркманобод ва Амударё орқали Мари, Тажан шаҳарлари билан боғланган. Аҳолиси 30,8 минг киши (1999).
Отамурот | |
|---|---|
| шаҳар | |
| 37°49′0″Н 65°12′0″Э / 37.81667°Н 65.20000°Э | |
| Мамлакат | Туркманистон |
| Вилоят | Лебап вилояти |
| Ҳукумат | |
| Илк эслатилиши | Х аср |
| Аввалги номлари | Керки |
| Қачондан бери шаҳар | 1925 |
| Расмий тил(лар)и | Туркман тили |
| Аҳолиси (2010) |
30 000 |
| Миллий таркиб | туркманлар |
| Конфессиявий таркиб | мусулмонлар |
| Вақт минтақаси | УТC+5 |
|
| |
Карки Х асрдан маълум. 1917-йилгача Бухоро амирлигининг Карки беклиги маркази, 1943-йил декабрдан 1947-йил январгача Туркманистон ССР Карки вилояти маркази. Шаҳарда пахта тозалаш, қурилиш материаллари, сут-мой заводлари, гўшт ва нон комбинатлари, гилам фабрикаси, умумий таълим ва мусиқа мактаблари, педагогика билим юрти, маданият уйи, 5 кутубхона, тарихий ўлкашунослик музейи, касалхона, маданий, маиший ва савдо хизмати кўрсатиш шохобчалари бор.[1]
Манбалар
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Туркманистон географиясига оид уşбу мақола çаладир. Сиз уни бойитиб, ЗиёСферага ёрдам бериşингиз мумкин. |