Karnozin

Карнозин (лот. саго — гўшт, cарнис — гўштли), (5-аланилгистидин — рангсиз кристалл модда. Мол. м. 226,3; суюқланиш температураси 260° (ажралиш билан). Сувда яхши эрийди, этанол ва эфирда эримайди. К. ва унинг ҳосиласи ансерин кўпчилик умуртқали ҳайвонлар ва одам скелет мускулларининг доимий таркибий қисмидир, юрак мускули, жигар ва қонда ҳам озгина бор. К.нинг биологик роли тўлиқ ўрганилмаган. Нафас олишда ва гликолизда энергияга бой фосфорли бирикмалар (аденозин-трифосфат кислота билан креатинфосфат кислота)нинг ҳосил бўлиш реаксиясини кучайтиради. Н-фталил-раланин хлорангидридига гистидин таъсир эттириш усули билан олинади. Ҳайвонларда катаракта касаллиги ва жаррохлик усулида ҳосил бўлган яраларни даволашда қўлланади.