Kasik

Касик (испанча cаcиқуэ) — 1) Мексика, Вест-Индия ва Марказий Америкадаги индейслар йўлбошчиси (доҳийси). К. лавозими, одатда, маълум уруғ, оилада меросий бўлган. К.лар ва уларнинг авлодидан ацтеклар, майя ва б. халкларнинг зодагон табакалари шаклланган. К.ларнинг бир қисми испан мустамлакачилари томонига ўтган ва катта ер эгалари, амалдорларга айланган; 2) Лотин Америкаси ва Испаниянинг маълум вилоятларида ҳарбийлардан чиқиб ҳокимиятни эгаллаб олган обрўли сиёсатдонларнинг аталиши. К.лар ёрдамида марказий ҳокимият ўз ҳукмронлигини жойларда олиб борган бошқариш тартиби касикизм деб ном олган.