Kayqubod

Кайқубод, Кави Кавата - Эрон мифологиясида ва афсонавий тарихида каёнийлар сулоласи асосчиси. "Шоҳнома"га кўра, Гаршасп вафотидан сўнг подшоҳ тахти бўш қолган. Зол ва Рустам К.ни чақиртирадилар, Рустам К.ни Албурз тоғи ён багридан топади. К. шохлиги даврида Афросиёб бошчилигидаги Турон қўшини тор-мор қилиниб, Эрон билан Турон ўртасидаги чегара Жайхун (Амударё) бўйлаб белгиланган, мамлакатда бир оз муддатга тинчлик, осойишталик қарор топган, деб нақл қилинади.