Kim Pengir
Ким Пенгир (1899-йил, Корея, Шимолий Ҳамгён вилояти, Донгсен округи – 1978-йил, Тошкент вилояти, Ўзбекистон ССР[1]) – Ўзбекистон ССР Тошкент вилояти Ўрта Чирчиқ туманидаги „Полярная звезда“ колхозининг аъзоси. Социалистик Меҳнат Қаҳрамони (1949)[2].
| Ким Пенгир | |
|---|---|
| Таваллуди |
1899-йил Шимолий Ҳамгён вилояти, Донгсен округи, Корея |
| Вафоти |
1978-йил Тошкент вилояти, Ўзбекистон ССР |
| Фуқаролиги |
 СССР |
| Мукофотлари |
  |
Ҳаёти
Ким Пенгир 1899-йилда Кореянинг Шимолий Ҳамгёнг вилояти, Донгсен округида деҳқон оиласида туғилган. 1910-йилдан у ота-онаси билан Россиянинг Узоқ Шарқ ҳудудига кўчиб ўтади. 1920-йилларда Узоқ Шарқ ўлкасининг Владивосток тумани Манзовка қишлоғида деҳқончилик билан шуғулланган.
Ким Пенгир 1937-йилда Ўзбекистон ССР Тошкент вилоятидаги махсус посёлкага сургун қилинган. 1939-йилдан Ўрта Чирчиқ туманидаги „Полярная звезда“ колхози аъзоси ҳисобланади.
1948-йилда Ким Пенгир жамоаси 6,7 гектар майдоннинг ҳар гектаридан ўртача 81,2 сентнер шоли йиғиб олди. СССР Олий Кенгаши Президиумининг 1949-йил 18-майдаги фармони билан „Колхозда барча турдаги мажбурий топшириқлар ва шартномаларни тўлиқ бажаргани, суғориладиган ерларда қишлоқ хўжалиги маҳсулотлари, шолидан юқори ҳосил олгани учун“ Социалистик Меҳнат Қаҳрамони унвони билан тақдирланган. Шунингдек, „1948-йилда МТС иши учун натура тўловлари ва 1949-йил баҳорги экиш учун тўлиқ миқдорида барча экинларни уруғлик билан таъминлашдаги иштироки учун“ Ленин ордени ҳамда „Ўроқ ва Болға“ олтин медали топширилган. Унга 1945-йил 6-июнда „1941—1945-йиллардаги Улуғ Ватан урушидаги жасоратли меҳнати учун“ медали ҳам берилган.
Ким Пенгир 1963-йилда нафақага чиққан. Касаба уюшмаси томонидан нафақа тайинланган.
Ким Пенгир 1978-йилда вафот этган. Тошкент вилояти, Ўртачирчиқ тумани, Ким Пен Хва қишлоғи қабристонига дафн этилган.
Мукофотлари
- Социалистик Меҳнат Қаҳрамони
- Ленин ордени
- Меҳнат Қизил Байроқ ордени (1950-йил 13-июн)
- "Меҳнатдаги жасорат учун" медали (1951-йил 13-август)
- „1941—1945 йиллардаги Улуғ Ватан урушидаги жасоратли меҳнати учун“ медали (1945-йил 06-июн)
Адабиётлар
- Шин Д. В., Советские корейцы Герои Социалистического труда, Алматы: Сервиcе Пресс, 2019
- Ким П. Г., Корейцы Республики Узбекистан, Ташкент: Узбекистон. 1993
- Ким Б. И., Корейцы Узбекистана. Кто есть кто, Ташкент, 1999
Манбалар
- ↑ „Дмитрий Шин в Новой жизни и Солдатском — Корё Сарам“. www.корё-сарам.сите. Қаралди: 20-ноябр 2023-йил.
- ↑ „Герой Социалистического Труда Ким Пенгир“. www.wарҳероэс.ру. Қаралди: 20-ноябр 2023-йил.