Kolachki
Колачки (полякча: коłасзки, словак. колáčэ, чехча: kolach) — Европанинг айрим мамлакатларида (Чехия, Словакия, Полша) да кенг тарқалган Рождество печенесининг бир тури бўлиб, ҳар бир мамлакатда ушбу печененинг ўзига хос рецепти мавжуд[1]. Колачки — конверт ҳолида ўралган мурабболи сочилувчан хамирли печене. Ушбу пишириқнинг келиб чиқишига оид кўплаб версиялар мавжуд, улардан энг машҳурида печененинг биринчи марта Полшада пайдо бўлгани айтилади. Колочки юмалоқ, квадрат ёки ромб шаклида, хамир эса қават-қават ёки хамиртурушли бўлиши мумкин. Сайтда пишириқнинг полякча версияси келтирилган.
Тайёрланиши
Колачки — кўп ҳолларда мураббо ёки жем билан тайёрланадиган печене бўлиб, Полшада анъанавий тарзда Рождествода тайёрланган, эндиликда эса уларни исталган вақтда пишириш ёки сотиб олишингиз мумкин. Чехия, Хорватия, Словакияда жуда машҳур. Ушбу минтақаларнинг ҳар бирида уни тайёрлаш жараёнига оид ўзига хос фарқлар мавжуд.
Полша колачкилари ярим конверт шаклида тайёрланади, ундан мураббо кўриниб туради. Ушбу пишириқ учун тайёрланган хамир таркибидаги маҳсулотлар жуда кўп бўлмаса-да (масалан, рецептда хамир учун фақат тўртта маҳсулот керак бўлади: булар нордон пишлоқ, туз, буғдой уни ва сариёғ) печене жуда юмшоқ бўлиб чиқади.
Колачки тайёрлашнинг ўзига хос хусусиятларидан яна бири хамирни музлатгичда камида беш соат (саккиз соат бўлса ундан ҳам яхши) ушлаб туриш кераклигидир. Шунинг учун ҳам полшалик тажрибали уй бекалари колачки учун кечқурун хамир қориб қўйишади, пиширишни эса эрталаб бошлашади[2].
Таркибий маҳсулотлар:
Асосий: буғдой уни, сариёғ, ванилин, туз, шакар, мураббо, уй твороги (асл рецептда творогли пишлоқ ёки крем-чиз)
Мумкин: шакар кукуни, мармелад, ёнғоқлар, резаворлар.
Пишириш вақти: 30 дақиқа.
Этимологияси
Колачики, колачки, колачник, колач[3] қаранг. калач.
Пишириқ номи праслав. тилидан келиб чиққан бўлиб, у қадим. русча — „колач“, украин. „колач“, булғ. колач „каравай“, сербоҳорв. „колач“ (колача), словен. „чакавск“. колáč, чех, словак. „колáč“ — „пирог“, пол. „коłасз“ — „буғдой нони“, калач", в.-лудг. „коłаč“, н.-лудг. „коłас“ сўзлари қаторида шаклланган. Думалоқ шаклига кўра, „коло“ сўзидан келиб чиққан[4]).
Тарихи
Марказий ва Шарқий Европада машҳур бўлган, оратда тўй маросимлари учун тайёрланадиган пишириқ тури[5]. Поляк колачкилари анъанага кўра, Рождествода ва кўпинча дам олиш кунларида пиширилади, аммо бугунги кунда уларни бутун йил давомида истеъмол қилишади. Печенега илова қилиш учун асл рецепт бўйича ҳар қандай турдаги мураббо ёки жемдан фойдаланиш мумкин, шунингдек пишириққа янги резаворлар, ёнғоқлар ҳам қўшиш ёки жемни ҳар қандай турдаги мураббо билан алмаштириш мумкин. Рецептнинг Полшада кенг тарқалган варианти ўзига хос бўлиб, бу мамлакатда печене хамирига юмшоқ пишлоқ қўша бошлаганлари билан боғлиқ, бу эса колачкини янада юмшоқ ва мазали қилади. Колачки одатда дастурсонга чой билан (камдан-кам ҳолатларда қаҳва билан) тортилади.
Манбалар
- ↑ „Польское печенье «Колачки» — кулинарный рецепт“. 2017-йил 6-декабрда асл нусхадан архивланган. Қаралди: 2017-йил 5-декабр.
- ↑ „Колачки | Домашние рецепты“. 2020-йил 17-июлда асл нусхадан архивланган. Қаралди: 2020-йил 17-июл.
- ↑ „Страница: Толковый словарь. Том 2 (Даль 1905).джву/173 — Викитека“. 2022-йил 20-январда асл нусхадан архивланган. Қаралди: 2022-йил 14-апрел.
- ↑ „калач — Викисловарь“. 2022-йил 20-январда асл нусхадан архивланган. Қаралди: 2022-йил 14-апрел.
- ↑ „Печенье с мармеладом по-польски или «Колачки»“. 2017-йил 6-декабрда асл нусхадан архивланган. Қаралди: 2017-йил 5-декабр.