Kolonlar

Колонлар (лотинча cолони — деҳқонлар) — 1) Қад. Римда қарам аҳоли тоифаси. Қулдорлик хўжалиги инқирозига учрагач, йирик ер эгалари билан ерсиз ва кам ерли деҳқонлар ўртасида ишлаб чиқариш муносабатларининг янгича шакли —колонат вужудга келиб, К. меҳнатидан кенг фойдаланила бошлаган. К. ижарага ер олиб, ижара ҳақини дастлаб пул билан, сўнгра етиштирилган ҳосилнинг бир қисми шаклида тўлаганлар, шунингдек, баъзи натурал мажбуриятларни ўташлари лозим бўлган; 2) илк ўрта асрларда Ғарбий Европада тобе деҳқонларнинг бир тоифаси.