Konduktor

Кондуктор (лотинча: cондуcтор — кузатувчи) —1) поездлар, автобус, трамвай ва бошқаларда кузатиб борувчи, билет сотувчи транспорт ходими; 2) кесувчи асбобни ишлов бериладиган деталга нисбатан йўналтирувчи пармалаш ва бошқа станокларида қўлланиладиган мослама. Ишлов бериладиган тёшикларнинг режасиз ўзаро аниқ жойлашишини таъминлайди; 3) йиғма конструксияларни вақтинчалик маҳкамлаб, уларнинг ҳолатини назорат қиладиган қурилма; 4) йиғиладиган ёки пайвандланадиган буюм деталларини керакли вазиятда тўтиб турадиган қурилма; 5) электр зарядлари йиғиладиган металл шар, умуман ҳар қандай электр ўтказгичлар; 6.) кончиликда бурғиланаётган қудуқларга қўйиладиган трубалар, улар қудуқнинг тўғри йўналиши ва юқори қисмини сувдан муҳофаза қилиш учун хизмат қилади; 7) чор Россияси флотидаги катта унтерофицер мансаби.