Kontaktor

Контактор — паст кучланишли ўзгарувчан ва ўзгармас ток занжирларини маълум масофадан туриб улаб ўзадиган электромагнит аппарат. Мустақил ва магнитли ишга тушириш, иш машинаси ва қурилма ичига ўрнатилган хиллари бўлади. Электромагнитдан ток ўтганда электромагнит ғалтаги якорни ўзига тортади ва занжир контактлари туташади. К. бошқариш занжирига кетма-кет ёки параллел уланади. К. кучланиши 650 В гача, ток кучи 1000 А гача бўлган электр машиналари ва аппаратларини бошқаришда қўлланади. Ўзгармас ток К.лари трамвай, троллейбус ва электровоз двигателларини, ўзгарувчан ток К.лари асинхрон двигателларни (станок, лифтларда) бошқариш учун ишлатилади.