Kontrfos

Контрфос (франс. cонтре — форсе — қарама-қарши куч) — бино ва бошқа иншоотларда деворни мустаҳкамлаб, унинг қийшайиб (оғиб) кетишига йўл қўймайдиган тиргак. Кўндаланг девор, вертикал таянч. Асосан, бино ташқарисида бўлади. Биноларда К. деворнинг горизонтал босимини, сув тўғонларида сув босимини ўзига қабул қилиб, иншоотнинг мустаҳкамлигини таъминлайди. Готика меъморлигида К. деворга гумбаз ёки равоқдан тўшадиган босимни ўзига қабул қилувчи қўшимча таянч, ташқи тирговуч сифатида қўлланган.

Ҳозир қад. меъморий ёдгорликлар мустаҳкамлигини таъминлашда фойдаланилади.