Koshin sahifasining manbasini koʻrish

'''Koshin''', '''parchin''', '''kafel''' – [[bino]]lar, [[kamin]]lar va [[pech (qurilma)|pech]]lar sirtiga qoplash uchun maxsus pishirilgan sirkor yupqa [[sopol]] pint skichipni [[taxta]]cha. Koshin maxsus [[loy]]dan [[qolip]]larga quyib tayyorlanadi, xumdonda 1150° gacha temperaturada pishiriladi; turli [[naqsh]], naqsh qismlari tushirilgach, sir beriladi, soʻng maxsus xumdonda pishiriladi. Koshinlarning silirga, naqshli, turli [[tasvir]]lar tushirilgan xillari bor. Sirtga [[puxtalik|puxta]] yopishishi uchun koshinning orqa tomoni gʻadir-budir yoki chuqurcha-chuqurcha qilib yasaladi. Oʻngi oq yoki har xil rangli, silliq, boʻrtma, [[silliqlash|silliqlanmagan]]; [[shisha]], [[Polistirol P|polistirol]] xillari bor. [[Meʼmorlik|Meʼmoriy]] [[bezak]] sifatida keng qoʻllaniladi, binolarni tashqi taʼsir (yogʻin-sochin)lardan ham saqlaydi. Dastlab, qadimgi Sharq ([[Misr]], [[Ossuriya]] va boshqalar)da, asosan, binolarni [[bezash sanʼati|bezashda]] keng tarqalgan, [[IX asr|<nowiki>IX</nowiki> asr]] dan [[Yevropa]] ([[Germaniya]], [[Shveysariya]], keyinroq [[Rossiya]]) da pechka va kaminlarni bezashda ham ishlatilgan. [[Oʻrta Osiyo]]da [[XII asr|<nowiki>XII</nowiki> asr]] oxiri – [[XIII asr|<nowiki>XIII</nowiki> asr]] boshlarida paydo boʻlgan. Ilk bor [[Samarqand]], [[Buxoro]], [[Koʻhna Urganch]] va boshqa joylardagi [[yodgorlik]]larda, bino [[poydevor]]larini bezashda ishlatilgan.

<nowiki>XX</nowiki> asr 20-yillaridan koshin tayyorlash usulini takomillashtirish ustida izlanishlar olib borildi. Yevropada „modern“ [[uslub]]idagi tovlanma sirli [[monoxromiya|monoxrom]] koshinkor ichki va tashqi devorli binolar paydo boʻldi. Oʻzbekistonda Samarqanddagi maxsus [[kulolchilik|kulollik]] [[ustaxona]]sida, [[Toshkent]]dagi ustaxonalar qadimgi koshinlarga yaqin boʻlgan koshin tayyorlana boshlandi. Meʼmoriy yodgorliklarni [[taʼmirlash]]da, binolarni bezashda, kamin va pechlarni qoplashda koshindan keng foylalanilmoqda.<ref>[[OʻzME]]. Birinchi jild. Toshkent, 2000-yil</ref>

== Yana qarang ==
* [[Parchin]]

== Manbalar ==
{{manbalar}}

{{OʻzME}}

{{chala}}

[[Turkum:Arxitektura]]
[[Turkum:Mozaika]]