Kospas

"КОСПАС—САРСАТ" — денгиз кемалари ва самолётларга ўрнатилган ва авария ҳолатларида ёрдамга чақирадиган радиосигналлар координаталарини аниқлайдиган Ер сунъий йўлдошлари (ЕСЙ) тизими номи; космик фазодан тинчлик мақсадларида фойдаланиш ва уларни тадқиқ этиш бўйича СССР ва АҚСҲ ўртасида тузилган шартнома асосида қурилган. "К. — С." тизимининг "коспас" қисми СССРнинг Денгиз флоти вазирлигининг буюртмаси, "сарсат" қисми эса АҚСҲ (НАСА, Р. Гарвард номидаги марказ), Канада (Алоқа вазирлиги) ва Франсия (Космик тадқиқотлар миллий маркази) нинг буюртмалари асосида шаклланган. Қутб яқинидаги доиравий орбиталарда парвоз қиладиган ЕСЙлари, авария ҳолатидаги радиобуй, ахборотларни кабул қилиш пунктлари, тизим марказларини ўз ичига олади.