Langustlar

Лангустлар (Палинура) — ўноёкли қисқичбақасимонлар туркумининг бир уруғи. Узунлиги 60 см га яқин, Мўйлов (антенна)лари узун, юриш оёклари, одатда, қисқичсиз. Танаси ва антенналари тиканлар билан қопланган. Қорни узун, қориноёқлари калта, кучсиз. 100 га яқин тури тропик ва субтропик денгизларда, фақат оддий Л. (Палинура элепҳас) Европа денгизларида тарқалган. Антеннасининг 1-бўғинини кўкрак қалқонига ишқаб баланд товуш чиқаради. Л. товуши балиқларни чўчитиб, уларни ўлжани ташлаб қочишга мажбур қилади. Бу ўлжа Л.га қолади. Л. билан осминоглар озиқланади. Л. овланади.