Leonid Levin
Леонид Тихонович Левин (1869-йил, Гродно вилояти, Високо-Литовск – 1944-йил,Ўзбекистон ССР, Тошкент шаҳри) — совет оториноларингологи. Тиббиёт фанлари доктори (1902), РСФСРда хизмат кўрсатган фан арбоби (1935)[1].
| Леонид Тихонович Левин | |
|---|---|
| Таваллуди |
1869-йил Гродно вилояти |
| Вафоти |
1944-йил Тошкент шаҳри |
| Фуқаролиги |
 Россия империяси Россия империяси→ СССР |
| Соҳаси | оториноларингология |
Ҳаёти
Леонид Тихонович Левин 1869-йилда Гродно вилоятида туғилган.
1894-йилда Киев университетининг тиббиёт факултетини тамомлаган. 1896—1901-йилларда у чет элда малака оширган. 1908-йилдан эса Санкт-Петербургдаги Шифокорлар малакасини ошириш клиник институтида дастлаб ассистент, кейин доцент бўлган. 1902-йилда дифтерияда эшитиш органидаги ўзгаришлар ҳақида докторлик диссертациясини ҳимоя қилган.
У 1914-йилдан Психоневрология институти профессори бўлган.
1917-йилдан Ленинград тиббиёт малака ошириш институтида оториноларингология кафедраси мудири бўлган (у ерда умрининг охиригача ишлаган).
Улуғ Ватан уруши бошланиши билан 1941-йилда Тошкентга эвакуация қилинган.
Леонид Тихонович Левин 1944-йилда Тошкентда номзодлик диссертациясини ҳимоя қилиш чоғида кутилмаганда вафот этган[2]. У Сестрорецк қабристонига дафн этилган[3].
Илмий фаолияти
Леонид Тихонович Левиннинг 60 дан ортиқ илмий мақолалари чоп этилган. У умумий радикал қулоқ жарроҳлигининг оригинал усулини ишлаб чиққан. Қулоқ лабиринтини очиш усулини ўзгартирган ва бу операцияларни бажариш учун бир қатор воситаларни таклиф қилган.
Қулоқнинг жарроҳлик касалликлари бўйича 3 жилдлик тўлиқ қўлланма яратган ва у бир неча нашрлардан ўтган (1928, 1936–1937, 1948).
У жарроҳлик соҳасида оториноларингологлар мактабини яратган.
Левин ташаббуси билан Санкт-Петербург оториноларингология жамияти тузилган (1906). У кейинчалик „Россия оториноларингологияси“ деб ўзгартирилган. Шунингдек, у „Қулоқ, бурун ва томоқ касалликлари ойлиги“ илмий журналини ташкил қилган.
Илмий ишлари
- „Дифтериядаги эшитиш органининг ҳолати тўғрисида“ (1902)
- „Қулоқнинг жарроҳлик касалликлари ва уларни жарроҳлик йўли билан даволаш“ 1–2-китоблар (1936–1937).
Леонид Тихонович Левин номи Ленинград давлат тиббиёт институтининг отоларингология клиникасига берилган (2011-йилда қайта ташкил этилган).
Манбалар
- ↑ „ЛЕВИН Леонид Тихонович“. www.спб-томбс-wалкеру.народ.ру. Қаралди: 15-ноябр 2023-йил.
- ↑ Фейгин. Г. А. Портрет оториноларинголога: размишления, проблеми, решения. – Б.: Илим, 2009. – 205 с. – Глава 1 (Wайбаcк Мачине сайтида 2013-03-28 санасида архивланган)
- ↑ „Петербургский некрополь“. 2015-йил 9-апрелда асл нусхадан архивланган. Қаралди: 2015-йил 4-апрел.