Lev Gertman
Гертман Лев Григоревич (1910-йил Қўқонда туғилган — 1971-йил Тошкент шаҳрида вафот этган) — кон муҳандиси — И даражали директор, Тошкент политехника институти профессори.
Биографияси
Лев Григоревич Гертман 1910-йилнинг 20-майида Қўқон шаҳрида яҳудий оиласида дунёга келган.
Отаси — Гирш (Григорий) Израилевич (1879-йил Россиянинг Сарапул шаҳрида туғилган — 1964-йил Тошкентда вафот этган) бўлган.
Онаси — Бейла Ароновна Гертман (1886-йил Россиянинг Сарапул шаҳрида туғилган — 1972-йил вафот этган). Улар асосан тикувчилик билан шуғулланишган. Гертманлар оиласи 1907-йилда Россиянинг Вятка губерниясининг Сарапул шаҳридан Қўқон шаҳрига кўчиб келган.
Лев Гертман 1926-йилда Қўқон шаҳрида ўрта мактабни тугатган ва шу йили САГУнинг Физика-математика факултети геология бўлимига ўқишга кирган. Лев Григоревич 1928-йилда профессор М.М.Протодяконов раҳбарлик қилган кончилик бўлимига ўқишини кўчирган. Аммо 1930-йилнинг март ойида профессор М.М.Протодяконовнинг кутилмаган ўлими ушбу гуруҳ талабаларининг ҳаётини тубдан ўзгартириб юборган. Раҳбарият томонидан кончиларнинг бутун гуруҳи тўлиқ таркибда ўқишни тугатиши учун Сталин номидаги Москва кончилик академиясига юборилган.
1931-йилда ушбу гуруҳнинг барча талабалари МКА (Москва кончилик академияси)нинг олтита университетдан бири ҳисобланган Москва давлат кончилик институтининг (ҳозирги НИТУ „МИСиС“ кончилик институти) кон муҳандислари дипломини олишган.
1931-1933-йилларда Лев Григоревич Гертман „Средазугол“ трестининг капитал қурилиш бўлимида муҳандис бўлиб ишлаган.
1933-1936-йилларда Гертман Сулукта (1930-йилларда — қишлоқ, ҳозирги кунда Қирғизистондаги шаҳар) шаҳридаги № 2 шахтада И.А.Журавлев ер ости галереясини ўрнатиш ва синовдан ўтказиш бўйича гуруҳ бошлиғи бўлган. (1930-йилда — қишлоқ, ҳозир Қирғизистондаги шаҳар).
1936-1940-йилларда кон-металлургия бошқармаси бошлиғи, директорнинг ўқув ишлари бўйича ўринбосари ва в.б;
СССР оғирсаноат халқ комиссарлиги муҳандислик-техника бошқармасининг Тошкент малака ошириш институти директори лавозимларида фаолият олиб борган.
1937-1942-йилларда Ўрта Осиё саноат институтининг кончилик факултетида кафедра ассистенти, катта ўқитувчи, кончилик факултети декани бўлган.
1940-йилда Л.Г.Гертман „Передвижное металлическое крепление для выемки мощных угольных пластов“ мавзусида номзодлик диссертациясини ҳимоя қилган.
1942-1945-йилларда Ангрен шаҳридаги кўмир конлари қурилишига раҳбарлик қилган. 1942-1944-йилларда „Ўзбекшахтақурилиш“ трестининг Ангрен шаҳридаги № 8-, 9-, 10-янги кон қурилишида бош муҳандис, кейинчалик раҳбар бўлиб ишлаган.
1944-1945-йилларда „Ўзбеккўмир“ трестининг Ангрендаги № 8-шахтаси бошлиғи этиб тайинланган.
1945-1952-йилларда Л. Г. Гертман СССР Кўмир саноати вазирлигининг Тошкент кончилик техникуми директори;
1952-1968-йилларда Ўрта Осиё политехника институти (СазПИ) (кейинчлик Тошкент политехника институти)нинг кончилик факултети кафедраси доценти бўлиб ишлаган.
1968-1971-йилларда Тошкент политехника институти кончилик факултети ,,Кончилик ва геологик-қидирув ишлари иқтисодиёти" кафедрасини бошқарган[1].
Лев Григоревич Гертман 1971-йил 21-сентабрда Тошкентда вафот этган ва шаҳарнинг Боткин қабристонига дафн этилган.
Илмий ишлари
Л. Г. Гертман муаллифлиги ва ҳаммуаллифлигида 70 дан ортиқ илмий мақолалар ва тадқиқот ишлари тайёрланган[2]
Улардан асосийлари:
- „Галерея Журавлева (передвижное металлическое крепление)“, 1939;
- „Народохозяйственное значение Ангренского буроугольного района“, 1941;
- „Перспективы открытых горных работ в Ангрене“, 1954;
- „Угольная промышленность Узбекистана за 40 лет“, 1957;
- „Перспективы открытых горных работ в Средней Азии“, 1964;
- „Определение оптимальных пределов потерь и разубоживания на карьерах Алтынтопканского рудоуправления“, 1965;
- „Выбор оптимальных параметров работ на пойменных карьерах нерудных строительных материалов с применением ЭВМ“, 1967;
- „Высшее геологическое и горное образование в Узбекистане за 50 лет“, 1970,
- „Повышение эффективности использования недр при открытой разработке руд цветных металлов (на примере Алмалыкского горнометаллургического комбината)“, 1970.
Ушбу илмий нашрларнинг аксариятида Ўрта Осиёда, биринчи навбатда, Ўзбекистоннинг Ангрен шаҳрида кўмир саноати, шунингдек, конларда очиқ усулда тоғ-кон саноатини ўзлаштириш ва ушбу йўналишда техник ва иқтисодий жиҳатдан соҳани ривожлантириш муаммоларини ҳал қилишга эътибор қаратилган.
Профессор Л.Г.Гертман раҳбарлигида кончилик йўналиши бўйича 10 та номзодлик диссертацияси ҳимоя қилинган.
Гертман қарийб 45 йил мобайнида Ўзбекистон геология ва тоғ-кон саноатида фаолият кўрсатган. Узоқ йиллар Тошкент политехника институти Кончилик факултетининг турли илмий тўпламларида бош муҳаррир сифатида ишлаб келган.
Мукофотлари
- Л.Г.Гертман СССР медаллари ҳамда уч маротаба Ўзбекистон Олий Кенгашининг Фахрий ёрлиғи билан тақдирланган.
- 1952-йилда СССР Кўмир саноати вазирининг буйруғи билан „И-даражали кон муҳандиси-директори“ шахсий унвони берилган.
Манбалар
- ↑ С 1937 года Л. Г. Гертман вел в высшей школе следующие курсы: «Основы горного дела», «Горное дело», «История горной техники», «Организация производства в горной промышленности», «Экономика горной промышленности», «Разработка месторождений полезных ископаемых».
- ↑ В 1941 году он участвовал в создании монографии (под руководством профессора Попова А. С.) «Проблема промышленного развития Ангренского буроугольного района Средней Азии».