Lev Sverdlin

Лев Наумович Свердлин (1901.16.11, Астрахон — 1969.29.8, Москва) — Халқ артисти (1954). Ўзбекистонда хизмат кўрсатган артист (1944). 1921-йил Туркистон Сиёсий бошқармаси қошидаги театр студиядан Свердлин Москвага ўқишга жўнатилган. Ўқишни тугатгач (1926), 1937-йилгача Меерхолд, 1937—40 йиллар Вахтангов театрларида, Москва драма театри, 1954—67 йиллар В. Маяковский номидаги театрда ишлаган. Свердлин ўзбек профессионал актёрларининг биринчи муаллимларидан. У 1924—30 йиллар Москвада биринчи ва иккинчи ўзбек драма студияларида дарс берган ("Қоровул уйқуси", "Ёрқиной" спектаклларини саҳналаштирган). Тихон ("Момақалдироқ"), Полоний ("Ҳамлет"), Хлебников ("Номус қонуни"), Мелоди ("Шоир қалби") ва бошқа саҳнада яратган энг яхши ролларидан, "Москвадан йироқда" (Залкинд), "Мовий денгиз ёнида" (Юсуф), "Тоққа қочган Алитет" (Алитет), "Йўл" (Беимбетов) каби филмларда суратга тушган. Тошкентда онаси яшагани туфайли у Ўзбекистонга тезтез келиб турган ва миллий киномизнинг шаклланишига муносиб ҳисса қўшган. 1943-йил Свердлин "Насрнддин Бухорода" филмида Хўжа Насриддин образини яратган. Шунингдек, Тошкент киностудиясида яратилган "Унинг исми СухеБатор" ("Монголкино", 1942) филмида ҳам СухеБатор ролини ўйнаган.