Li Chan Yur
| Li Chan Yur | |
|---|---|
| Tavalludi |
10-noyabr 1924-yil Nikolaevka qishlogʻi, Olginskiy tumani, Primorsk viloyati, Uzoq Sharq viloyati |
| Vafoti |
26-may 1978-yil (53 yoshda) Yuqori Chirchiq tumani, Toshkent viloyati |
| Mukofotlari |
 |
Li Chan Yur (1924-yil 10-noyabr, Uzoq Sharq viloyati, Primorsk viloyati, Olginskiy tumani, Nikolayevka qishlogʻi – 1978-yil 26-may) – Oʻzbekiston SSR, Toshkent viloyati, Yuqori Chirchiq tumani, Sverdlov nomidagi kolxoz aʼzosi[1]. Sotsialistik Mehnat Qahramoni (1951).
Hayoti
Li Chan Yur 1924-yil 10-noyabrda (baʼzi maʼlumotlarda 1922-yilda) Olginskiy tumani, Nikolaevka qishlogʻida oddiy dehqon oilasida tugʻilgan. 1937-yilda ota-onasi bilan birga O‘zbekiston SSRning Toshkent viloyatidagi maxsus posyolkaga surgun qilingan. U Yuqori Chirchiq tumanida joylashgan Sverdlov nomidagi kolxozda yetti yillik maktabni tamomlagan. 1950-yillarning boshidan Yuqori Chirchiq tumanida joylashgan Sverdlov nomidagi kolxozda oddiy kolxozchi, dala mudiri, brigadir va chorvador boʻlib ishlagan.
1950-yilda Li Chan Yur boʻlinmasi 9 gektar maydonning har gektaridan oʻrtacha 153,4 sentnerdan yashil kenaf poyasi yigʻib olgan. SSSR Oliy Kengashi Prezidiumining 1951-yil 22-maydagi farmoni bilan unga Lenin ordeni, „Oʻroq va Bolgʻa“ oltin medali hamda Sotsialistik Mehnat Qahramoni unvoni berilgan[2].
Katta mehnat yutuqlari uchun 1952-yilda ikkinchi marotaba Lenin ordeni bilan taqdirlangan. Li Chan Yur bir necha bor Xalq xoʻjaligi yutuqlari Butunittifoq koʻrgazmasida ishtirok etgan va sovrindor boʻlgan.
Li Chan Yur 1978-yil 26-mayda toʻsatdan vafot etgunga qadar Sverdlov kolxozida ishlayotgan boʻlgan. U Sobiq Sverdlov nomidagi kolxoz (hozirgi Ahmad Yassaviy nomidagi fermer xoʻjaligi, Yuqori Chirchiq tumani) qabristoniga dafn etilgan.
Mukofotlari
- Sotsialistik Mehnat Qahramoni unvoni
- Ikki marta Lenin ordeni (1951, 1953)
- „Oʻroq va Bolgʻa“ oltin medali
Adabiyotlar
- Shin D. V., Sovetskie koreytsы Geroi Sotsialisticheskogo truda, Almatы: Service Press, 2019
- Z. V., Pan N. G. Geroi Sotsialisticheskogo Truda — kazaxstantsы, Alma-Ata, 1969—1985, tt. 1-5
- Men D. V., Kvon L. A., Kim, Sovetskie koreytsы Kazaxstana, Almatы, 1992
- Kim P. G., Koreytsы Respubliki Uzbekistan, Tashkent: Uzbekiston. 1993
- Kan G. V., Istoriya koreytsev Kazaxstana, Almatы: Gыlыm, 1995
- Kim G. N., Men D. V., Istoriya i kulьtura koreytsev Kazaxstana, Almatы: Gыlыm, 1995
- Kim B. I., Koreytsы Uzbekistana. Kto estь kto, Tashkent, 1999
Manbalar
- ↑ „Li Chan-Yur - Geroy Sotsialisticheskogo Truda“. www.warheroes.ru. Qaraldi: 24-noyabr 2023-yil.
- ↑ „Video-Entsiklopediya koryo saram. Geroy Sotsialisticheskogo Truda Li Chan Yur“. www.youtube.com. Qaraldi: 24-noyabr 2023-yil.