Lion

Лион — Франсиядаги шаҳар. Рона департаментининг маъмурий маркази ва Лионне тарихий вилоятининг бош шаҳри. Рона ва Сена дарёларининг қуйилиш жойидаги порт. Транспорт йўли ва автомобил йўллари тугуни. Аэропорти халқаро аҳамиятга эга. Аҳолиси 453,1 минг киши (1999).

Лион қадимда галлар манзилгоҳи сифатида юзага келган. Милоддан аввалги 43 йилдан римликлар колонияси, В—ВИ асрларда Бургундия қироллиги пойтахти. ВИ асрда франклар томонидан ишғол қилинган, ХИ —ХИИ асрларда „Муқаддас Рим империяси“ таркибида бўлган. ХИВ асрда Лион Франсия қироли мулкига ўтган ва Коммуна мақомини олган. 1942-йилда немис фашистлари босиб олган. 1944-йилда улардан озод қилинган.

Лион — мамлакатнинг муҳим саноат, савдо, молия ва маданий маркази. Асосий саноат тармоқлари — машинасозлик ва станоксозлик; электротехника, тўқимачилик, кимё (минерал ўғитлар, бўёқ, синтетик каучук, пластмасса ишлаб чиқариш, фармацевтика) саноати корхоналари мавжуд. Шаҳар четида нефтни қайта ишлаш заводи қурилган. Ипакчилик ва ипак матолар, трикотаж ва бўёқлар ишлаб чиқаришнинг Европадаги қадимги марказларидан (ХВ асрдан). Университетлар, музейлар, жумладан, тарих, археология, матолар музейлари, қадимги Рим даври театри бор.

Метрополитен қурилган. ХВ—ХВИИИ асрларга оид меъморий ёдгорликлари сақланган. Ҳар йили Европа савдо-молия ярмаркалари ўтказилади (ХВ асрдан).