Liparit

Липарит (Италиянинг Липари ороллари номидан) — кайнотип эффузив тоғ жинси. Кимёвий таркиби гранитга ўхшаш. Л. лава оқими, вулкан гумбази, вулкан кули йиғиндиси ва игнимбрит қатламлари кўринишида учрайди. Л.нинг шишага бой, деярли тўла кристалланган, порфир холли хиллари бор. Ранги кулранг, оқиш-кулранг, баъзи бир турлари қизғишроқ. Л. қаттиқ, зичлиги 2140—2590 кг/м3. Минералогик таркиби — 42% калий шпати (санди-на), 23% — плагиоклаз (ортоклаз), 33% — кварс, 2% — биотит. Аксессор ми-нераллардан апатит учрайди.

Италия (Липари ва Сардиния о.лари), АҚСҲ (Сан-Франсиско, Аризона, Жанубий Колорадо, Аляска), Мексика, Франсия (Оверн), Янги Зеландияда тарқалган. Ўзбекистонда Қурама, Бойсун тоғларида учрайди. Йўлларни асфалтлаш ва қурилиш материали сифатида ишлатилади.