Lu Keng
Лу Кенг (хитойча: 陸鏗 1919-йилда Хитойнинг Юннан провинсиясидаги Баошан шаҳрида туғилган, 2008-йил 22-июнда вафот этган) Хитой тарихидаги энг нотинч даврларда 60 йилдан ортиқ мухбирлик қилган. Журналист сифатида у материк Хитойда ҳам, Тайванда ҳам тақиқланган эди. Унинг мақолалари ўтмишдаги ҳокимият ва давлат раҳбарларини танқид қилгани учун унга Коммунистик партия ва Гоминдан давридаги 22 йиллик қамоққа олиб келган бўлсада, уни „ҳақиқий журналист“ сифатида танилишига олиб келди[1].
Биография
Лу „Чен Жи-сун“ тахаллусини ишлатган. Унга „Катта шовқин“ лақабини қўйишган[2]. У Марказий Сиёсат мактабида журналистика бўйича ўқув дастурини тамомлаган ва Хитойда биринчи радио мухбир бўлган[3]. У 1940-йилда шу соҳага қўшилган[4].
Иккинчи жаҳон уруши пайтида Европада бўлиб,америкалик генераллар Эйзенхауэр, МакАртур ва Маршаллар билан қилган суҳбатлари орқали каттаи обрў қозонган[1].
Лу 1978-йил апрел ойида Гонконгга бориб, 1981-йилда муҳаррир Ху Журен билан биргаликда ҳафтада бир марта хитой тилида чиқадиган „Паи Шинг“ журналига асос солади. У, шунингдек, Гонконг Шуэ Ян университетида дарс берган ва Гонгконг иқтисодий журналида мақолалар ёзган[1].
Баҳслар
Хитой Республикаси билан
Лу урушдан сўнг Нанкиндаги Чина Тимес газетаси муҳаррири лавозимига кўтарилди ва кейин юқори мартабали амалдорлар Конг Сианхи ва Сонг Цивеннинг коррупциясини ошкор қилгани учун қамалди[1].
Хитой Халқ Республикаси билан
1957-йилда унинг сўз эркинлигига чақируви уни яна қамоққа ташлади. Бу Коммунистик партиянинг ўнгчиларга қарши кампанияси доирасида амалга оширилган эди. У 1975-йилгача озодликка чиқмади [1]
Лу 1985-йил 10-майда Пекинда Коммунистик партия бош котиби Ху Яобанг билан интервю ўтгазди ва кўплаб нозик масалаларга тўхталиб, Хуни мухолифатга тоқат қиладиган маърифатли либерал сифатида тавсифланган мақолани чоп этди. Мақола 1987-йилда Денг Сяопинг Хуни ишдан бўшатишига олиб келди [1]
Ўлими
Лу 2008-йил 22-июн куни 89 ёшида Сан-Франсискодаги касалхонада 10 кун давомида ўпкасида қон ивиши билан курашиб, тинчгина вафот этди. У она шаҳри Юннан шаҳрида дафн қилишади[1].
Лу ҳақида иқтибослар
"У журналист эканлигидан жуда фахрланарди ва кўп йиллик тажриба тўплаганидан кейин катта муҳаррир бўлишга мойил бўлган кўпчиликдан фарқли ўлароқ, у қариганда ҳам ишлайдиган журналист бўлишни шармандалик деб ўйламаган", дейди Синхуа ахборот агентлиги раҳбарининг собиқ ўринбосари Ли Пу[1].
Катта журналист Янг Жишенгнинг айтишича, Лу „ҳеч қачон ҳокимиятга таъзим қилмаган, ҳеч кимга таъзим қилмаган, у фақат фактлар учун жавобгар бўлган“[1].
Лу 1990-йилда ислоҳотчилар етакчиси Чжао Зиянг тарафдори бўлгани учун АҚШга сургун қилинган Синхуа Гонконгнинг собиқ директори Сю Цзятунга ёрдам бергани учун материкга кириш тақиқланган ва персона нон грата сифатида қора рўйхатга киритилган эди[1].
Манбалар:
- ↑ 1,00 1,01 1,02 1,03 1,04 1,05 1,06 1,07 1,08 1,09 Соутҳ Чина Морнинг Пост. „СCМП.“ Cонтроверсиал 'труэ жоурналистъ Лу Кенг, 89, диэс ин УС. Ретриэвед он 2008-11-18.
- ↑ Дwнеwс.cом. „Дwнеwс.cом[сайт ишламайди].“ Лу Кенғс лифе индепендент неwс. Ретриэвед он 2008-11-18.
- ↑ Соутҳ Чина Морнинг Пост. „СCМП.“ Cонтроверсиал 'труэ жоурналистъ Лу Кенг, 89, диэс ин УС. Ретриэвед он 2008-11-18.
- ↑ Ҳонг Конг Жоурналисц Ассоcиатион. „ҲКЖА[сайт ишламайди].“ Моурнинг Мр. Лу Кенг (陸鏗先生), оур Ветеран . Ретриэвед он 2008-11-18.