Magnitogorsk

Магнитогорск - Россия Федерацияси Челябинск вилоятидаги шаҳар (1931-йилдан). Магнит тоғи этагида. Жанубий Уралнинг шарқий ён бағрида, Урал дарёсининг ҳар иккала соҳилида. Россия Федерацияси металлургия саноатининг энг йирик марказларидан бири. 1929—34 йилларда Магнитогорск металлургия комбинати қурилиши муносабати билан вужудга келган. Аҳолиси 408 минг киши (2025). Йирик саноат корхоналари: металлургия комбинати, метиз-металлургия, калибрлаш, кран заводлари. Пианино фабрикаси мавжуд. Машинасозлик, курилиш материаллари, енгил ва озиқ-овқат саноатлари ривожланган. Кончилик-металлургия ва педагогика институтлари, драма ва қўғирчоқ театрлари, ўлкашунослик музейи бор.