Magniy sahifasining manbasini koʻrish

{{kimyoviy unsur|Magniy / Magnesium (Mg)<!-- Symbol-->|12<!-- Atomic Number-->|yengil, yumshoq, oqish-kumush rang [[metall]]<!-- Appearance-->|24,305<!-- Atomic Weight (u.m)-->|160<!-- Atomic Radius (pm)-->|737,3 (7,64)<!-- First Ionizing Energy (kJ/mol)-->|[Ne] 3s<sup>2</sup><!-- Electronic Configuration-->|136<!-- Covalent Radius (pm)-->|66 (+2e)<!-- Ionic Radius (pm)-->|1,31<!-- Pauling Negativity Number-->|−2,37 В<!--Electrode potential30-->|2<!-- Oxidation states-->|1,738<!-- Density (g/cm<sup>3</sup>) -->|1,025<!-- Specific Heat (@20°C J/g mol)-->|156<!-- Termal Conductivity (@25°C W/m K)-->|922<!-- Melting Point (K)-->|9,20<!-- Fusion Heat (kJ/mol)-->|1&nbsp;363<!-- Boiling Point (K)-->|131,8<!-- Evaporation Heat (kJ/mol)-->|14,0<!-- Atomic Volume (cm<sup>3</sup>/mol)-->|geksagonal<!-- Lattice structure-->|3,210<!-- Lattice constant (Å)-->|1,624<!-- Lattice c/a ratio-->|318,00<!-- Debye temperature (K)-->}}{{Kimyoviy jadval unsuri|view=center|white=1|number=12|fontsize=100%}}<!-- Bot tomonidan qoʻshilgan matn boshi -->
'''Magniy''' (Magnesium), Mg — [[Mendeleyev davriy sistemasi]]ning II guruhiga mansub kimyoviy element; ishkoriy - yer metallarga kiradi. Tartib raqami 12, atom massasi 24,305. Tabiiy Magniy 3 ta barqaror izotopdan iborat. 24Mg (78,60%), 25Mg (10,11%), 26Mg (11,29%). Uchta sunʼiy radioaktiv izotopi (23Mg, 27Mg, 28Mg) olingan. Magniyni 1808 i. dastlab ingliz fizigi Magniy Devi amalgama holida olgan. 1829-yilda fransuz kimyogari Magniy Byussi magniy xloridga kaliy bugʻi taʼsir ettirib, Magniyni metall holida ajratib olgan. Magniy massa jihatidan yer poʻstining 2,35% ni tashkil qiladi. Magniyning 100 dan ortiq minerallari boʻlib, ulardan dolomit, forsterit yoki olivin, magnezii, karnallit va boshqa ahamiyatlidir. Olivin jinslarining yuvilishidan ilonizi serpentin minerali hosil boʻladi. Uning tolasimon turi asbest deyiladi. Ilon-izisimonlar chuqur yer osti [[karbonat angidrid]] gazlarining taʼsirida parchalanishi natijasida talk jinslariga aylanadi. Tula parchalanganda esa magnezit (MgCO3)ra oʻtadi. Ohaktoshlar MgCl2 eritmalari taʼsirida dolomitga MgCa(CO3)2 aylanadi. Oʻzbekistondagi dolomit konlarining eng kattasi Samarqand viloyatida joylashgan.

Dengiz suvida 0,38%; baʼzi koʻllar suvida 30% magniy xlorid boʻladi. Magniy kumushdek oq, yumshoq, choʻziluvchan, yengil metall, havoda yupqa oksid parda bilan qoplanib, qoramtir tusga kiradi. Bu parda uni keyingi oksidlanishdan saqpaydi. Magniyning zichligi 1740&nbsp;kg/m³, suyuqlanish temperaturasi 650°, kaynash temperaturasi 1105°. Magniy birikmalarida 2 valentli. Kimyoviy jihatdan juda faol metall. Havoda qizdirilganda koʻzni qamashtiruvchi oq shuʼla chiqarib yonadi va oq rangli magniy oksid MgO, qisman koʻkimtir magniy nitrit Mg3N2 hosil qiladi. Xona haroratida suv bilan reaksiyaga kirishmaydi. Qaynatilganda esa suvdan sekin-asta vodorodni ajratib chiqaradi. Suv bugʻi bilan 400° da shiddatli reaksiyaga kirishadi. Qizdirilganda azot, oltingugurt, galogenlar va boshqa metallmaslar bilan birikadi. Suyultirilgan kislotalarda oson erib, vodorod ajratib chikaradi. Oddiy sharoitda ishqorlarning suvdagi eritmasida erimaydi. Vodorodli muhitda 400—500° gacha qizdirilganda gidrid MgH2 hosil qiladi. Magniyni 500—600° gacha oltingugurt yoki SO2 va H2S bilan qizdirilganda sulfid MgS hosil boʻladi. MgF2 himoya pardasini hosil qila olishi sababli ftorid kislotada erimaydi. Ishqoriy bikarbonat va ammoniy tuzlari eritmalarida eriydi. Magniyning barcha tuzlari rangsiz, achchiq, suvda yaxshi eriydi. Magniy koʻpgina metallar bilan qotishmalar hosil qiladi.

Magniy oʻsimlik va [[hayvonlar]] organizmining ajralmas qismidir. Baʼzi suv oʻtlari, foraminiferalar, ohakli bulutlar Magniy konsentratlari hisoblanadi (ular tarkibida 3—4% gacha Magniy boʻladi). Magniy oʻsimliklarning yashil pigmenti — xlorofill tarkibiga kiradi.

Barcha oʻsimliklarning hujayra organellarida va barcha tirik organizmlarning ribosomshritsa Magniy borligi aniqlangan. Magniy fosfat kislota tuzlari shaklida fitin tarkibida boʻladi. Odam va hayvonlar organizmi Magniyni ovqatdan oladi. Odamning bir kecha-kunduzda Magniyga ehtiyoji 0,3—0,5 g. Ovqatda Magniy tuzlari yetarlicha boʻlmasa, nerv sistemasining normal qoʻzgʻaluvchanligi, muskullarning qisqarishi buziladi. Qoramollar yemida Magniy yetishmaganda muskullari tortishib, oyoqlari rivojlanmay qoladi.

Sanoatda Magniy elektrolitik, metallotermik va ugletermik usullar bilan, lekin, asosan, MgCl, KC1 va NaCl eritmalari aralashmasini elektroliz qilib olinadi. Metallotermik usulda xom ashyo boʻlib dolomit, qaytargich boʻlib ferrosilitsiy yoki silikoalyuminiy xizmat qiladi. Ugletermik usulda Magniy MgO bilan [[uglerod]] aralashmasini 2100° dan yuqori haroratda germetik pechlarda qizdirib olinadi.

Pirotexnikada, metallurgiyada qotishmalar, qiyin qaytariladigan metallar (vanadiy, titan, uran, sirkoniy), mustahkam choʻyan olishda, atom texnikasida, kino, fotografiya va yoritish texnikasida ishlatiladi.

== Adabiyotlar ==
* Eydenzon Magniy Magniy, Magniy, Magniy, 1969;Ivanov Magniy Magniy, Lyandres Magniy Magniy, Prokofyev Magniy Magniy, Proizvodstvo magniya, Magniy, 1979.

Temir Otaqoʻziyev.<ref>[[OʻzME]]. Birinchi jild. Toshkent, 2000-yil</ref>
<!-- Bot tomonidan qoʻshilgan matn oxiri -->

'''Magniy''' - [[unsurlar davriy jadvali]]ning 12 unsuri, [[ishqor]]iy [[metall]].
{{Unsurlar davriy sistemasi}}

== Manbalar ==
{{manbalar}}

{{OʻzME}}

{{Tashqi havolalar}}

[[Turkum:Kimyoviy unsurlar]]