Man Yugay

Ман Югай
Таваллуди	Югай Ман Ден; 1906-йил; Россия Империяси
Вафоти	1980-йил; Қашқадарё вилояти Қарши шаҳри

Югай Ман Ден (1906-йил; Россия империяси Приморск вилояти Николск-Уссурийск тумани Раздолнинская волости Попова Гора қишлоғи – 1980-йил 1-апрел; Қашқадарё вилояти Қарши) – Қуйи Чирчиқ тумани „Новая жизн“ колхозининг бригадири. Социалистик Меҳнат Қаҳрамони (1950).

Биографияси

1906-йилда Николск-Уссурийск туманининг Попова Гора қишлоғида деҳқон оиласида туғилган. 1924-йилда Барабаш қишлоғидаги бошланғич мактабнинг тўртинчи синфини тамомлаган. 1928-йилгача Посетовский тумани Богатая Фанза қишлоғида отасининг шахсий хўжалигида ишлаган^[1].

1928-йилда Қизил Армия сафига чақирилган. Канскдаги 26-ўқчи дивизиянинг 71-Карелия полкида хизмат қилган. Командирлик курсини тугатгач, Николск-Уссурийскда кичик отряд командири, взвод командирининг ёрдамчиси бўлиб фаолият юритган. 1931-йилдан – Владивостокдаги 1-читин полкининг бригадири. Кейинги йилларда: Гродековский вилоятида жойлашган 1-Барано-Оренбург полкининг взвод командири (1933—1936), Гродековский вилояти Богуславка қишлоғида жойлашган 59-танк полкининг 2-даражали кварталмастер техник ходими бўлиб ишлаган (1936—1937).

1937-йилда Ўзбекистон ССР Самарқанд вилоятидаги махсус посёлкага сургун қилинган. 1937-йилдан Самарқанд „Қуёш“ артелида қолипчи. 1940-йилдан Қуйи Чирчиқ вилоятидаги „Новая жизн“ колхозида дала чорвачилик бригадаси бригадири лавозимида фаолият юритган^[2].

1949-йилда Югай Ман Ден бошчилигидаги бригада 40 гектар майдоннинг ҳар гектаридан ўртача 97,7 сентнердан яшил каноп пояси йиғиб олган. СССР Олий Кенгаши Президиумининг 1950-йил 18-сентябрдаги Фармони билан „Колхозга мажбурий етказиб бериш ва суғориладиган ерларда яшил каноп поясидан юқори ҳосил олгани, Қишлоқ хўжалиги маҳсулотларининг барча турлари бўйича шартнома тузиш, МТСнинг 1949-йилдаги ишига натура шаклида ҳақ тўлаш ва 1950-йил баҳорги экиш учун тўлиқ талаб миқдорида барча экинларни уруғлик билан таъминлгани учун“ Социалистик Меҳнат Қаҳрамони унвони билан тақдирланган.

1951—1952, 1954—1957-йилларда Қуйи Чирчиқ туманида Молотов номидаги колхозда бригадир, дала экинлари бўлими бошлиғи бўлиб ишлаган. 1952—1954-йилларда Қуйи Чирчиқ тумани Молотовск қишлоқ кенгаши раиси бўлган.

Кейинги йилларда: Қуйи Чирчиқ тумани „Коммунизм йўли“ колхозининг бригадири (1957—1960), шу туманда „Коммунизм“ колхозининг бригадири (1960—1962), оддий колхозчи бўлиб фаолият юритган. Қизил-Ўрда вилояти Чийлий тумани „Гигант“ колхози (1963), Қизил-Ўрда вилояти Казалин тумани ХХИИ партия қурултойи номидаги шоличилик совхози бригадаси бригадири (1963—1964-йил), бўлим мудири (1964—1965), Сурхондарё вилояти Термиз тумани „Рассвет“ колхозининг оддий колхоз-далачиси (1965—1967).

Умрининг сўнгги йилларини Қаршида ўтказган. 1980-йил апрел ойида Қашқадарё вилояти Қарши шаҳрида вафот этган.

Манбалар

[1] ҳттпс://wарҳероэс.ру/ҳеро/ҳеро.асп?Ҳеро_ид=33709

[2] ҳттпс://ру.опенлист.wики/индех.пҳп?титле=%Д0%9А%Д0%Б0%Д1%82%Д0%Б5%Д0%Б3%Д0%БЕ%Д1%80%Д0%Б8%Д1%8Ф:%Д0%9А%Д0%БЕ%Д1%80%Д0%Б5%Д0%Б9%Д1%86%Д1%8Б_-_%Д0%Б6%Д0%Б5%Д1%80%Д1%82%Д0%Б2%Д1%8Б_%Д0%БФ%Д0%БЕ%Д0%ББ%Д0%Б8%Д1%82%Д0%Б8%Д1%87%Д0%Б5%Д1%81%Д0%БА%Д0%Б8%Д1%85_%Д1%80%Д0%Б5%Д0%БФ%Д1%80%Д0%Б5%Д1%81%Д1%81%Д0%Б8%Д0%Б9_%Д0%Б2_%Д0%А1%Д0%А1%Д0%А1%Д0%А0&пагефром=%Д0%АЭ

[1]

[2]