Manfred Eigen

Эйген Манфред (1927-йил, 5-сентябр, Бохум) -немис физик-кимёгари. Гёттинген университетини тугатгач (1951), шу унтда (1951— 53), 1953-йилдан Гёттингендаги Макс Планк физиккимё институтида ишлаган (1964-йилдан директор). Асосий илмий ишлари ўта тез кечадиган кимёвий реаксияларни ўзи ишлаб чиққан кимёвий релаксацион спектроскопия усулида тадқиқ қилишга оид. Кучсиз электролитлар эритмаларида кечадиган тезкор реаксияларни ўрганиш мақсадида электролитнинг диссоциацияланиш даражасини оширишга имкон берадиган кучли электр майдонини таъсир эттириш усулини таклиф этган. Ферментатив катализ, маълумотларни узатиш механизми ва бошқалар молекуляр биология масалаларини ўрганган. Нобел мукофоти лауреати (1967; Р.Ж.Норриш ва Ж. Портер билан ҳамкорликда).