Maria Svolou
Мариа Сволу (юнонча: Μαρία Σβώλου, қизлик фамиляси: {{{1}}} Десипри (Δεσύπρη); тах. 1892 — 3-июн 1976)[1] — юнон феминисти ва социалист раҳбар.
Ҳаёти
Мариа Десипри тахминан 1892-йилда Афинада Георге Десипрос ва унинг хотинидан туғилган. Мариа тўрт қиздан бири бўлиб, икки йил Пирейда яшаган. Отаси Юнонистон Миллий банкининг бир филиалига директор этиб тайинланганда, у ёшлигида оиласи билан бирга Ларисага кўчиб ўтган. У ерда у Арсакио Лариса мактабида ўқиган ва тахминан 1907-йилда уни тамомлаган. Отасининг 1915-йилда вафотидан сўнг, оила Афинага қайтган. У 1916-йилда франсуз тили бўйича сертификат ва 1919-йилда Диний ва жамоат таълими вазирликларидан франсуз тили ўқитувчиси лицензиясини олган[2].
Сволу ёшлик чоғларидан бошлаб Юнонистон аёллар ҳаракатида фаол бўлган. У 1923-йилда ҳуқуқ профессори Александрос Сволосга турмушга чиққан. Аёллар ҳуқуқлари лигасининг котиби сифатида у ишловчи аёллар учун кечки мактаблар ташкил этишни ёқлаган ва фоҳишабозликка қарши курашган. У Юнонистон аёллари тенглиги учун тарғибот олиб борган ва мақолалар ёзган. У Иқтисодиёт вазирлигида меҳнат инспектори бўлиб ишлаган ва шу лавозимидан фойдаланиб, қашшоқ ишчи аёлларнинг оғир меҳнат ва яшаш шароитларига эътибор қаратган[3].
Сволу 1911-йилдан 1936-йилгача эркин (либерал) сиёсатда фаол бўлиб, тинчлик ҳаракатини қўллаб-қувватлаган. У Аёлнинг кураши журналининг муҳаррири бўлган ва диктатор Иоаннис Метаксас томонидан эри билан бирга 1936-йилдан 1940-йилгача Юнонистондан сургун қилинган. Сволу либерал феминистлар ҳаракатининг етакчиси бўлган, бироқ у гендер тенглиги фақат жамиятнинг тубдан ўзгаришидан кейин эришилиши мумкин, деб ҳисоблаган[4]. У 1940-йилда Юнонистонга қайтиб, Италия‑юнон урушида ҳамшира сифатида кўнгилли бўлиб ишлаган. Кейинчалик у Юнонистоннинг немис истилоси даврида Қизил Хоч орқали болалар учун овқат уюштирган. Сволу ЭАМ-ЭЛАС қаршилик ҳаракатига қўшилган ва Миллий кенгаш аъзоси этиб сайланган, унинг эри эса ЭАМ бошчилигидаги Миллий озодлик сиёсий қўмитаси раиси бўлган. Сволу коммунистларга хайрихоҳ бўлган ва 1948-йилда, Юнонистон фуқаролар уруши даврида яна сургун қилинган. Қайтганидан сўнг у Бирлаштирилган демократик чап кучлар аъзоси сифатида парламентга номзодини қўйган. У икки марта сайланган ва партиянинг Марказий қўмитаси аъзоси бўлган[3].
Манбалар
- ↑ Εφημερίδα Ριζοσπάστης, Πέθανε και κηδεύεται η Μαρία Σβώλου, φύλλο 4/6/1976
- ↑ Самиоу, Димитра „СВОЛОУ, Мариа (борн Десйпри) (1892? - 1976)“, . Биограпҳиcал Диcтионарй оф Wомен'с Мовеменц анд Феминисмс ин Cентрал, Эастерн, анд Соутҳ Эастерн Эуропе: 19тҳ анд 20тҳ Cентуриэс, 1ст, Неw Ёрк: Cентрал Эуропеан Университй Пресс, 2005 — 552–557-бет. ИСБН 9637326391.
- ↑ 3,0 3,1 Моррис, Паул „Сволоу, Мариа (д. 1976)“, . Wомен ин Wорлд Ҳисторй: А Биограпҳиcал Энcйcлопедиа. Wатерфорд, Cоннеcтиcут: Ёркин Публиcатионс, 2002. ИСБН 0-7876-4074-3 (2016-йил 24-февралда асл нусхадан архивланган).
- ↑ Даскалова, Крассимира „Балканс“, . Тҳе Охфорд Энcйcлопедиа оф Wомен ин Wорлд Ҳисторй. Охфорд: Охфорд Университй Пресс, 2008 — 188–189-бет. ИСБН 978-0-19-514890-9.