Marojil

Бу мақола Ушбу мақола халифа Маъмуннинг онаси ҳақида. Ўн икки шиа имомларининг энг юқори даражаси ҳақида билиш учун Маржаъга қаранг. Афғонистон жанубидаги қишлоқ хўжалиги шаҳарчаси ҳақида ўқиш учун Маржаҳга қаранг. ҳақидадир. Мавзунинг бошқа маънолари учун Марожил (маънолари) саҳифасига қаранг.

Марожил (арабча: مراجل‎‎; ваф. 786-йил) халифа Ҳорун ар-Рашиднинг умму валади ва халифа Маъмуннинг онаси.

Марожил مرجل
Аббосий халифанинг умму валади
Даври	786 – 786-йил 14/15-сентябр
Туғилиши	Бадғис, Аббосийлар халифалиги
Вафоти	тах. 786 Бағдод, Аббосийлар халифалиги
Дафн этилган жой	Бағдод
Турмуш ўртоғи	Ҳорун ар-Рашид
Фарзандлари	Маъмун

Биографияси

Марожил Аббосий шаҳзодаси Ҳоруннинг (бўлажак халифа Ҳорун ар-Рашид) форс қул канизи эди. Бир ривоятга кўра, у аббосийлар хонадонига ҳарбий асир сифатида келтирилган. Марожил шаҳзода Ҳорунга канизакликка берилгунга қадар Аббосийлар хонадонида тарбияланган. Марожил Ҳорундан икки ёш кичик эди.

Маражилнинг ягона фарзанди Абдуллоҳ (бўлажак Маъмун) Бағдодда милодий 786-йил 13-сентябрдан 14-сентябрга ўтар кечаси туғилган. Кейинчалик „уч халифа кечаси“ номи билан машҳур бўлган ўша кечада Маъмуннинг амакиси Ҳадий вафот этиб, ўрнига отаси Ҳорун ар-Рашид Аббосийлар халифалиги ҳукмдори этиб тайинланган. Ҳорун 786-йил йигирма ёшида халифа бўлган. Ўша вақтда Ҳорун баланд бўйли, кўриниши чиройли, нозик, аммо кучли, жингалак сочли ва териси зайтун рангли эди. Ҳорун халифа бўлиши билан Бағдоддаги Катта масжидда жума намозини ўқиди. Сўнгра амир ал-мўминин ҳузурига келганидан хурсанд бўлганларини эълон қилиб, байъат қилиш учун саф тортган амалдорлар ва оддий халқ олдида чиқиш қилди. Ҳорун ўз ҳукмронлигини қобилиятли вазирларни тайинлашдан бошлаган. Вазирлар ҳукумат ишини шу қадар яхши олиб борганки, натижада халқнинг аҳволи сезиларли даражада яхшиланган. Марожил Ҳоруннинг тахтга ўтиришига гувоҳ бўлиб, халифадан Умму Абдуллоҳ унвонини олди. Бироқ, 786-йил сентябрда Ҳорун тахтга ўтирган кечада Абдуллоҳ туғилганидан кейин Марожилнинг аҳволи ёмонлаша бошлади.

Фарзанди туғилганидан кўп ўтмай Марожил вафот этди. Абдуллоҳ Ҳорун ар-Рашиднинг рафиқаси, халифа Мансурнинг (ҳ. 754–775 набираси Зубайда қўлида тарбияланди. Марожилнинг Хуросон билан алоқаси борлиги Маъмуннинг келажакдаги фаолиятига катта ҳисса қўшди.

Яна қаранг

• Аббос ибн Маъмун

Адабиётлар

• Рекая, М. (1991). "ал-Маʾмūн". ин Босwортҳ, C. Э.. Энcйcлопаэдиа оф Ислам. Волуме ВИ: Маҳк–Мид (2нд нашри). Леиден: Э. Ж. Брилл. 331–339 б. ИСБН 978-90-04-08112-3. ҳттп://референcеwоркс.бриллонлине.cом/энтриэс/энcйcлопаэдиа-оф-ислам-2/ал-мамун-СИМ_4889. 
• Тҳе Ҳисторй оф ал-Ṭабарī, Волуме ХХХ: Тҳе ʿАббāсид Cалипҳате ин Эқуилибриум: Тҳе Cалипҳатес оф Мūсā ал-Ҳāдī анд Ҳāрūн ал-Рашīд, А.Д. 785–809/А.Ҳ. 169–192, СУНЙ Сериэс ин Неар Эастерн Студиэс.. Албанй, Неw Ёрк: Стате Университй оф Неw Ёрк Пресс, 1989. ИСБН 978-0-88706-564-4. 
• Абботт, Набиа. Тwо Қуээнс оф Багҳдад: Мотҳер анд Wифе оф Ҳāрūн Ал Рашīд. Университй оф Чиcаго Пресс, 1946. ИСБН 978-0-86356-031-6. 
• Бобриcк, Бенсон. Тҳе Cалипҳ'с Сплендор: Ислам анд тҳе Wест ин тҳе Голден Аге оф Багҳдад. Симон & Счустер, 2012. ИСБН 978-1416567622.