Max Perutz

ПЕРУТС (Перутз) Макс Фердинанд (1914.19.5 Вена — 2002.6.2) — инглиз биокимёгари (асли австриялик). 1936-йилдан Кембриж университетида ишлаган. Лондон қироллик жамияти (1954), Америка санъат ва фан академияси (1963), Австрия Фанлар академияси (1963) академик, Кембриж университетининг молекуляр биология лабораторияси мудири (1962-йилдан). Асосий илмий ишлари молекуляр биология билан боғлиқ. Изоморф алмаштириш (оғир металлар атомларини оқсил молекуласига киритиш) методини ишлаб чиққан (1953). Рентген-структуравий таҳлил қилиш, изоморф алмаштириш усуллари ҳамда компютер технологияси ёрдамида гемоглобин молекуласи структурасини аниклаган ва унинг моделини яратган (1960). Нобел мукофоти лауреати (1962, Ж. К. Кендрю билан ҳамкорликда).