Melburn

Мелбурн – Австралиянинг жануби-шарқий қисмидаги шаҳар. Виктория штатининг маъмурий маркази. Порт-Филлип қўлтиғи соҳилида. Аҳолиси 3,4 млн. киши (1999); аҳолисининг сони бўйича мамлакатда Сиднейдан кейин 2-ўринда. Шаҳарга ХИХ асрнинг 30-йилларида асос солинган ва Буюк Британия бош вазири номи билан Мелбурн деб аталган. 1901—27 йилларда Австралия Иттифоқи пойтахти.

Мелбурн – мамлакатнинг муҳим саноат, савдо-молия ва маданият маркази. Транспорт йўллари тугуни. Аэропорти халқаро аҳамиятга эга. Мамлакатнинг энг катта порти (йиллик юк ортиб-тушириш 20 млн. т); четга ғалла, ун, гўшт, жун, мева чиқарилади, четдан фосфорит, нефт келтирилади. Саноатининг етакчи тармоқлари: кемасозлик ва кема таъмирлаш, автомобилсозлик, станоксозлик, қишлоқ хўжалиги машинасозлиги, тўқимачилик, озиқ-овқат ва кўн-поябзал. Нефтни қайта ишлаш, ҳарбий заводлар бор. Шаҳар яқинида қўнғир кўмир қазиб чиқарилади. Университет, Виктория Миллий музейи, Миллий галерея, Виктория кутубхонаси, консерватория, расадхона, ботаника боғи ва бошқа бор. Мелбурнда 1956-йилда 16-Олимпия ўйинлари бўлиб ўтган.