Mialgiya

Миалгия (юнонча: мйс — мускул ва алгос — оғриқ) — мускуллардаги оғриқ. У ўткир ва кучеиз бўлиб, кўпинча, бўйин, кўкрак қафаси, тана, бел, оёқ-қўл мускулларида кузатилади. Касаллик кескин ҳаракат қилганда, совуқ котганда, мускуллар зўриққанда, шикастланишда ва бошқа ҳолларда пайдо бўлади. Бемор ҳаракатланганда ёки оғир юк кўтарганда оғриқ зўраяди.

Давоси М.га сабаб бўлган омилни аниқлаш ва бартараф этишдан иборат. Асосан, қуруқ иссиқ қилинади. МИАСС — Россия Федерацияси Челябинск вилоятидаги шаҳар. Миасс дарёси соҳилида. Аҳолиси 166,9 мингкиши (1998). М. 1773-йилда мис заводи қурилиши муносабати билан вужудга келган (ХИХ аср бошида ёпилган), шунингдек, олтин қазиб олиш маркази сифатида ҳам машҳур. Иккинчи жаҳон уруши йилларида (1941—45) Москвадан эвакуация қилинган ускуналардан биринчи Урал автомобилсозлиги — юк автомобиллари заводи қурилган. Шунингдек, "Миасселектроаппарат", ёғочсозлик ва бошқа заводлар бор. Шаҳар атрофидан олтин, талк, мармар қазиб чиқарилади. Челябинск политехника институтининг кечки факултети, геологияқидирув ва автомеханика техникумлари, педагогика ва мусиқа билим юртлари, ўлкашунослик ва минералогия музейлари ҳамда М. яқинида Илмен минералогия қўриқхонаси мавжуд.