Mikrofon

Неуманн У87 микрофони

Микрофон (микро… ва… фон) — товуш тебранишларини электр тебранишларга айлантирадиган электр акустик асбоб. Товуш кучайтириб узатиш (эшиттириш) учун қўлланади. Кўмирли, электродинамикли, конденсаторли, электретли, пезоэлектрли; товуш узатиш йўналиши жиҳатдан -йўналтирилмаган, бир томонга йўналтирилган (кардиоид) ва икки томонга йўналтирилган хиллари бор. Кўмирли М.ни биринчи марта рус ихтирочиси М. Маҳалский (1878) ва ундан бехабар равишда П. М. Голубицкий (1883) яратишган. Кумир ёки металл мембрана товуш тўлқинлари таъсирида тебраниб, зичликни ўзгартиради, натижада пистон ва мембранага тегиб турган кумир кукуни электр қаршилигини ўзгартиради. М. орқали ўтаётган ток кучи ўзгаради. Ҳосил бўлган им-пулеланувчи (телефонга уланган ўтказгич орқали келаётган) ток теле-фондаги мембранани М.даги мембранага мос равишда тебратади. Электродинамикли М.да юпқа полистирол парда ёки алюминийдан тайёрланган диафрагма магнит тизимнинг ҳалқасимон тирқишида жойлашган ингичка симда ўралган ғалтакка бириктирилган. Товуш тўлқинлари таъсирида диафрагма тебранганда ғалтак ўрамлари магнит куч чизиқларини кесиб ўтади ва ғалтакда э.ю.к. ҳосил бўлади. Бу э.ю.к. унинг қисмларида ўзгарувчан кучланишни вужудга келтиради.

Конденсаторли М.да товуш тўлқинлари юпқа металл мембранага таъсир этиб, унинг орасидаги масофани ўзгартиради, натижада мембрана билан электр конденсатор пластинкаларига ўхшаш металл корпус орасидаги электр сиғими ўзгаради. Пластинкаларга ўзгармас кучланиш берилганда конденсатор сиғими ўзгариб, унда ток ҳосил бўлади. Ток кучи товуш частоталарининг тебранишига мос равишда ўзгаради, натижада товуш тебранишлари электр тебранишларига айланади. Бундай М. товушни сифатли ёзиб олиш ва қайта эшиттириш тизимларида ишлатилади.

Электретли М. конденсаторли М.га ўхшайди. Унда конденсаторнинг қўзғалмас платиналари ва ўзгармас кучланиш манбаи сифатига электрет пластина қўллланилади.

Пезоэлектрик М.да товуш тўлқинлари пезоэлектр хоссага эга бўлган модда (мас, сегнет тузи) дан ясалган пластинкаларга таъсир этиб, уларнинг сиртида электр зарядлари ҳосил қилади. Электромагнитли М.да товуш тўлқинлари пўлат якорга бикр уланган мембранага таъсир этади; мембрана ўзгармас магнит тирқишида, якор сиртига ўралган симлардан иборат ғалтак учларида э.ю.к. ҳосил бўлади. Пезоэлектр ва электромагнитли М.лар радиоҳаваскорлик қурилмалари ва эшиттириш аппаратларида ишлатилади. Стереофоник радиоэшиттириш ва товуш ёзиб олиш тизимларида умумий корпусга зич жоилаштирилган иккита бир хил М. ишлатилади. М. телефон алоқада, радио ва телеэшиттириш, овози кучайтириш ҳамда товуш ёзиб олиш тизимларида ишлатилади.

Ҳаволалар

• Эски микрофонлар ҳақида маълумот ^(ингл.)
• ҳттп://усерс.белгаcом.нет/гc391665/миcропҳоне_ҳисторй.ҳтм (Wайбаcк Мачине сайтида 23-август 2010-йил санасида архивланган)