Milya

Миля (лотинча: милиа пассуум дан олинган — мингта иккиталик рим қадами) — масофани ўлчаш учун йўл ўлчов бирлиги.

Миля (лотинча: милиа пассум — мингта қўш қадам) — Халқаро бирликлар тизими СИ га кирмаган узунлик ўлчови бирлиги. М. қадим замонда қўлланган; ҳозир эса метрик конвенсияга аъзо бўлмаган давлатларда, шунингдек, денгизчиликда фойдаланилади. Ҳар хил қийматларга эга М.лар мавжуд: 1) халқаро денгиз М.си — Ер меридиани 1 минут ёйининг ўртача узунлиги, 1852 м га тенг; 2) Британия денгиз М.си — 1853,184 м; 3) география М.си — экватор 1/15 градус ёйининг узунлиги, 7420,4 м га тенг; 4) Британия қуруқлик М.си (АҚСҲ да қўлланади) —5280 фут ~ 1609,344 м; 5) эски рус М.си =7467,6 м; 6) эски рим М.си =1481 м. Турли хил М.лар орасидаги боғланиш қуйидагича: 1 эски рус М.си =4,038 денгиз М.си=4,669 қуруқлик Миля

• Қадимий Рим (миллиатрий): 1 миля = 1,598 км (бошқа манбаларга кўра 1,480 км)
• Қадимий Рус: 1 миля = 7 верста = 7,4676 км
• Британия ва Америка: 1 миля = 8 фурлонг = 1,6093 км
• Денгиз: 1 миля = 1,852 км
• География (немис): 1 миля = ¹/₁₅° экватор = 7,420 км

Яна қаранг

• Денгиз миляси