Miniatyuralar teatri

Миниатюралар театри - театр тури. Репертуари ихчам асарлар (бир пардали песа, интермедия, мукаллид, монолог, кулки-ҳикоя, ҳажвия ва бошқалар) дан иборат бўлиб, баъзан умумий бир мазмун (сюжет)га бўйсундирилади. Ҳаётда учраб турадиган камчиликлар, кулгили воқеалар, кундалик муаммолар ҳамда долзарб мавзулар сатира ва юмор оркали ифодаланади. Европа услубидаги замонавий Миниатюралар театри ХИХ асрнинг 2-ярмида Франсияда пайдо бўлган. Ўзбекистонда бу жанрдаги томоша илдизлари қадим замонларда пайдо бўлган машарабозлик театрита тақалади. Миллий услубдаги Миниатюралар театри машарабозлик, қизиқчилик санъатининг жуда кўпкўринишларини ўзлаштирган, давр руҳига мослаб ривожлантирилган. 1962-йилдан Ўзбекистон телевидениеси "Ёшлик" студияси қошида "Телевизион миниатюралар театри" ишлаб турибди.

Муҳсин Қодиров.