Molik
Ислом э’тиқодида Молик (арабча: مالك) дўзахни бошқарадиган, Забония (арабча: الزبانية) исмли 19 та сирли қўриқчилари бўлган фариштани билдиради. Зухруф сурасининг 77-оятида Молик дўзах фаришталарининг бошлиғи сифатида зикр қилинган.
Қур’онда Молик
Қур’они каримнинг Зухруф сураси 74-78 оятларида Моликнинг жаҳаннам аҳлига айтадиган сўзи тасвирланган: “Албатта, жиноятчилар жаҳаннам азобида мангу қолувчидирлар. У улардан енгиллатилмас ва улар у (азоб)да ноумид ҳолда қолурлар. Уларга зулм қилганимиз йўқ. Лекин улар – ўзлари золим бўлдилар. Ва улар: “Эй Молик! Роббинг бизни битирсин!” – деб нидо қилдилар. У: “Албатта, сиз туриб қолувчисиз”, – деди. Батаҳқиқ, сизга ҳақни келтирдик. Лекин кўпларингиз ҳақни ёмон кўрувчисиз”. Таҳрим сурасининг 6-оятида эса, фаришталар Аллоҳнинг амрига биноан иш кўришлари айтилади: “Эй иймон келтирганлар! Ўзингизни ва аҳли аёлингизни ёқилғиси одамлару тошдан бўлган оловдан сақланг. Унинг тепасида қўпол, дарғазаб фаришталар бўлиб, улар Аллоҳнинг амрига исён қилмаслар ва нимага буюрилсалар, шуни қилурлар”.
Ме’рож ҳодисасида Молик
Ислом ан’аналарига кўра, Муҳаммад алайҳиссалом Ме’рожга кўтарилганларида Молик билан учрашганлар. Пайғамбар алайҳиссалом жаннатга етиб келганларида Моликдан бошқа барча фаришталар у зотни табассум билан қарши олган. Муҳаммад алайҳиссалом Жаброилдан нима учун унинг жим турганини сўраганларида, у Молик дўзахнинг қўриқчиси экани, ҳеч қачон табассум қилмаслигини айтган. Шундан сўнг Пайғамбар алайҳиссалом ундан жаҳаннамни кўрсатишини сўраганлар. Молик унинг эшикларини очган ва у зотга жиноятчилар учун тайёрланган азоб-уқубатлар кўрсатилган[1][2].
Манбалар
- ↑ Алан Э. Бернстеин Ҳелл анд Иц Ривалс: Деатҳ анд Ретрибутион амонг Чристианс, Жеwс, анд Муслимс ин тҳе Эарлй Миддле Агес Cорнелл Университй Пресс 2017 ИСБН 978-1-501-71248-7
- ↑ Брооке Олсон Вуcковиc Ҳеавенлй Жоурнейс, Эартҳлй Cонcернс: Тҳе Легаcй оф тҳе Ми'раж ин тҳе Форматион оф Ислам Роутледге 2004 ИСБН 978-1-135-88524-3 паге 37